ചേർത്തല: ഭർത്താവിനൊപ്പം സ്കൂട്ടറിൽ സഞ്ചരിച്ച വീട്ടമ്മ ടോറസ് ലോറിയിടിച്ച് മരിച്ചു. എസ്.എൽ പുരം കുണ്ടേലാ​റ്റ് കൃഷ്ണമല്ലന്റെ ഭാര്യ ഷീല (52)ആണ് മരിച്ചത്.

ദേശീയപാതയിൽ മാരാരിക്കുളം കളിത്തട്ടിന് സമീപം ഇന്നലെ ഉച്ചയ്ക്ക് ഒന്നരയോടെയായിരുന്നു അപകടം.ഇൻഷ്വറൻസ് ഏജന്റായ ഷീല ആലപ്പുഴയിൽ ഏജന്റുമാരുടെ യോഗത്തിൽ പങ്കെടുത്ത ശേഷം ഭർത്താവിനൊപ്പം സ്കൂട്ടറിൽ വീട്ടിലേക്കു മടങ്ങുമ്പോൾ പിന്നിൽ നിന്ന് വന്ന ടോറസ് തട്ടുകയായിരുന്നു. സ്‌കൂട്ടർ മറിഞ്ഞ് ഷീല ടോറസിന്റെ അടിയിലേക്ക് വീണു. ലോറിയുടെ മുൻചക്രങ്ങൾ കയറിയിറങ്ങി തത്ക്ഷണം മരിച്ചു.റോഡിന്റെ അരികിലേക്കു തെറിച്ചു വീണതിനാൽ കൃഷ്ണമല്ലന് നിസാര പരിക്കേ​റ്റു.ഷീലയുടെ മക്കൾ: ബദരീഷ് മല്ലൻ,രമണി.