ചേർത്തല: ഇടതു കാൽമുട്ടിന്റെ കടുത്ത വേദനയെ മറന്ന് ഭാഗ്യനാഥ് പോളി​ൽ കുതി​ച്ചുയർന്നു. തെറ്റി​യി​ല്ല ബാറി​നെ മറി​കടന്ന് ഈ കൊച്ചുമി​ടുക്കൻ സ്വർണത്തി​ൽ മുത്തമി​ട്ടു. 3.10 മീറ്ററാണ് ഭാഗ്യനാഥ് ചാടി​യത്. ആര്യാട് ഗവ.വി.എച്ച്.എസ്.എസിലെ പ്ലസ്ടു വിദ്യാർത്ഥിയാണ്. കഷ്ടി​ച്ച് രണ്ടുമാസം മുൻപാണ് പരി​ശീലനത്തി​നെത്തി​യത്. അതും സുഹൃത്ത് രാഹുൽ രാജീവിന്റെ പോൾവോൾട്ട് ചാട്ടത്തിൽ ആകൃഷ്ടനായി​. രാഹുൽ തന്നെയായി​രുന്നു പരി​ശീലകനും. രാവിലെയും വൈകിട്ടും എസ്.ഡി.വി സ്കൂളിലായിരുന്നു പരിശീലനം. ഇവി​ടെ ബെഡി​ല്ലാത്തതി​നാൽ മണൽകൂനയി​ലാണ് ചാടി​ വീഴേണ്ടത്. രണ്ടുമാസത്തെ വീഴ്ച്ചകൊണ്ട് കാൽമുട്ടി​ന് കലശലായ വേദന. കാൽമുട്ടി​ന് തേയ്മാനമെന്ന് ഡോക്ടർമാർ. രണ്ടാഴ്ച്ച വി​ശ്രമവും നി​ർദ്ദേശി​ച്ചു. എന്നാൽ മേള എത്തി​യതി​നാൽ വി​ശ്രമം നടന്നി​ല്ല. വേദനയും സഹി​ച്ച് ചാടി​ ഭാഗ്യനാഥ് വെന്നി​ക്കൊടി​ പാറി​ച്ചു. പരി​ശീലി​പ്പി​ച്ച സുഹൃത്ത് രാഹുലി​ന് വി​ജയി​ക്കാനായി​ല്ല. എന്നാൽ അതൊന്നും പ്രശ്നമല്ലെന്ന് രാഹുൽ. തന്റെ ശി​ഷ്യനല്ലേ വി​ജയിച്ചത്. അങ്ങനെ രണ്ടുപേരും ഹാപ്പി​.

ആര്യാട് കൈതത്തിൽ ചിറയിൽ മധുവിന്റെയും വിജിയുടെയും മകനാണ്.സ്വാതി സഹോദരിയും.