വലിയപറമ്പ്: തൃക്കുന്നപ്പുഴ മതുക്കൽ ആൽസന്നിധാന ശ്രീകൃഷ്ണസ്വാമി ക്ഷേത്രത്തിൽ ഭാഗവത സപ്താഹയജ്ഞത്തിന്റെ ഭാഗമായി രുക്മിണിസ്വയംവരം ഇന്ന് നടക്കും. രാവിലെ 10ന് പതിയാങ്കര അമ്മൂമ്മനട ക്ഷേത്രത്തിൽനിന്ന് വാദ്യമേളങ്ങളുടെ അകമ്പടിയോടെ ഘോഷയാത്ര, ഉച്ചക്ക് 12.30ന് പ്രഭാഷണം, ഒന്നിന് അന്നദാനം, വൈകിട്ട് 5ന് സർവ്വൈശ്വര്യ പൂജ.

14വരെയുള്ള ദിവസങ്ങളിൽ രാവിലെ 5ന് മഹാഗണപതി ഹോമം, ഉച്ചക്ക് 12.30ന് പ്രഭാഷണം, വൈകിട്ട് 6.45ന് സമൂഹപ്രാർത്ഥന എന്നിവ നടക്കും.നാളെ രാവിലെ 10ന് സ്വർഗാരോഹണം, വൈകിട്ട് 4ന് അവഭൃഥസ്‌നാന ഘോഷയാത്ര. ക്ഷേത്രം മേൽശാന്തി തമ്പി ശാസ്ത്രി ചടങ്ങുകൾക്ക് നേതൃത്വം നൽകും.