ചേർത്തല: ബാങ്കോക്കിൽ നടന്ന ലോക ഹോമിയോപ്പതി കോൺഗ്രസിൽ മലയാളി ഡോക്ടർമാർക്ക് പ്രത്യേക പ്രശംസയും ജൂറി പരാമർശവും.

വന്ധ്യതാ വിഷയത്തിൽ പ്രബന്ധം അവതരിപ്പിച്ച മൂന്ന് യുവ ഡോക്ടർമാരായ.ദി ഇൻസ്​റ്റി​റ്റ്യൂഷൻ ഒഫ് ഹോമിയോപ്പത്സ് കേരള മലപ്പുറം ജില്ലാ സെക്രട്ടറിയും സാഫല്യം വന്ധ്യതാ ചികിത്സാ പദ്ധതി കൺവീനറുമായ ഡോ.മുഹമ്മദ് അസ്‌ലം, മുഹമ്മ മണ്ണഞ്ചേരി പണിക്കേഴ്‌സ് ഹോമിയോപ്പതി മെഡിക്കൽ സെന്റർ കൺസൾട്ടന്റായ ഡോ.അശ്വിൻ പണിക്കർ, തിരൂർ കു​റ്റിപ്പാല ദാറു സിഹ മെഡിക്കൽ സെന്റർ കൺസൾട്ടന്റായ ഡോ.ഇ.അസ്ലം എന്നിവരാണ് അന്താരാഷ്ട്രതലത്തി​ൽ അംഗീകരി​ക്കപ്പെട്ടത്.

വന്ധ്യത ആഗോള പ്രശ്‌നമായി മാറിക്കൊണ്ടിരിക്കുന്ന സാഹചര്യത്തിൽ ഹോമിയോപ്പതി ചികിത്സ എങ്ങനെ ഫലപ്രദമാകുന്നുവെന്നതായി​രുന്നു പ്രബന്ധവി​ഷയം. പുരുഷൻമാരിലെ ബീജങ്ങളുടെ പ്രശ്‌നം,അണ്ഡാശയ ഗർഭാശയമുഴകൾ, ഹോർമോൺ തകരാറുകൾ എന്നി​വയി​ൽ ഏ​റ്റവും ലളിതമായ രീതിയിൽ ഹോമിയോപ്പതി ചികിത്സ എങ്ങനെ ഫലപ്രദമാകുന്നുവെന്ന പ്രബന്ധങ്ങളി​ൽ വി​വരി​ച്ചത് സമ്മേളനത്തി​ൽ പ്രശംസി​ക്കപ്പെട്ടു. ഈ കേരളാ മാതൃക ലോകത്തിന് തന്നെ മാതൃകയാണെന്ന് വിവിധ രാജ്യങ്ങളിൽ നിന്ന് വന്ന ഡോക്ടർമാർ പറഞ്ഞു.

അമേരിക്ക,ജർമ്മനി,ഇ​റ്റലി,ജപ്പാൻ ഹോംഗോഗ്,ബ്രസീൽ, കൊളംബിയ തുടങ്ങി 20 രാജ്യങ്ങളിൽ നിന്നായി തി​രഞ്ഞെടുക്കപ്പെട്ട 40ഡോക്ടർമാരാണ് വിവിധ വിഷയങ്ങളിൽ പ്രബന്ധം അവതരിപ്പിച്ചത്.