ആലപ്പുഴ: ഇടക്കാലാശ്വാസം അനുവദിക്കുക, പങ്കാളിത്ത പെൻഷൻ പദ്ധതി പിൻവലിക്കുക തുടങ്ങിയ ആവശ്യങ്ങളുന്നയിച്ച് എൻ.ജി.ഒ സംഘ് കളക്ടറേറ്റിന് മുന്നിൽ നടത്തിയ ധർണ സംസ്ഥാന വൈസ് പ്രസിഡന്റ് അനിതാ രവീന്ദ്രൻ ഉദ്ഘാടനം ചെയ്തു.

ബി.എം.എസ് ജില്ലാ പ്രസിഡന്റ് ടി.പി വിജയൻ മുഖ്യ പ്രഭാഷണം നടത്തി. ജില്ലാ വൈസ് പ്രസിഡന്റ് കെ ആർ വേണു അദ്ധ്യക്ഷത വഹിച്ചു. ജില്ലാ സെക്രട്ടറി എൽ. ജയദാസ്, ട്രഷറർ ശ്രീജിത്ത്. എസ്. കരുമാടി, ഡി. ബാബുപിള്ള, ജെ. മഹാദേവൻ, കെ.മധു, ഫെറ്റോ തുടങ്ങിയവർ പ്രസംഗിച്ചു.