ചേർത്തല:വാളയാറിൽ ദളിത് കുട്ടികളുടെ മരണത്തിലെ കു​റ്റക്കാരെ മാതൃകാ പരമായി ശിക്ഷിക്കണമെന്നാവശ്യപ്പെട്ട് കേരള ഉള്ളാട മഹാസഭയുടെ നേതൃത്വത്തിൽ പ്രതിഷേധ ജ്വാലയും പന്തം കൊളുത്തി പ്രകടനവും നടത്തി.
കെ.എസ്.ആർ.ടി.സി ബസ്​റ്റാന്റിന് സമീപത്ത് നിന്നാരംഭിച്ച പ്രകടനം നഗരം ചു​റ്റി ചേർത്തല കാർത്ത്യായനി ദേവീ ക്ഷേത്രത്തിന് മുന്നിലെ നഗരസഭ കെട്ടിടസമുച്ചത്തിന് സമീപം സമാപിച്ചു.തുടർന്ന് നടന്ന സമ്മേളനം കെ.യു.എം.എസ് സംസ്ഥാന പ്രസിഡന്റ് യു.ഗോപി ഉദ്ഘാടനം ചെയ്തു.വർക്കിംഗ് പ്രസിഡന്റ് ​ടി.കെ.ബാബു അദ്ധ്യക്ഷത വഹിച്ചു.
എൻ.ശശിധരൻ,പി.കെ.പ്രസാദ്,ടി.എസ്.രമ,പി.ലീല,എൻ.നടേശൻ,ഷൺമുഖൻ എഴുപുന്ന,ചന്ദ്രൻ പാണാവള്ളി എന്നിവർ സംസാരിച്ചു.