മാവേലിക്കര : ചെറുകോൽ ഈഴക്കടവ് നാരായണഗുരു ധർമ്മാനന്ദാശ്രമത്തിൽ ഗുരുധർമ്മാനന്ദ സ്വാമി മഹാസമാധി രജതജൂബിലിയും മഹായതി പൂജയും ഇന്ന് നടക്കും. സ്വാമി ശിവസ്വരൂപാനന്ദ മഹായതി പൂജക്ക് നേതൃത്വം നൽകും. ഗണേശൻ സ്വാമിയാണ് ആചാര്യൻ. രാവിലെ 6ന് സ്വാമിഗ്രഹത്തിൽ ഹവനവും ശ്രീകോവിൽ മണ്ഡപത്തിൽ മഹാഹവന ഹോമവും നടക്കും. 8ന് ലോകശാന്തി മഹായജ്ഞം, 10ന് ഗുരുപുഷ്പാഞ്ജലി, 10.15ന് മഹായതി പൂജ, ഉച്ചക്ക് 12.30ന് മഹാഗുരുപൂജ, പ്രസാദമൂട്ട്, വൈകിട്ട് ഗുരുപുഷ്പാഞ്ജലി, മഹാഹവനഹോമം, രാത്രി 9.15ന് മഹാസമാധി പ്രാർത്ഥന എന്നിവ നടക്കും. മഹായതി പൂജയുടെ ഭാഗമായി നടന്നുവന്ന ലോകശാന്തി മഹായജ്ഞവും ഇന്ന് സമാപിക്കും.