മാവേലിക്കര : ചെട്ടികുളങ്ങര സേവാശ്രമത്തിൽ ധർമ്മാനന്ദ ഗുരുവിന്റെ 25ാമത് ദിവ്യസമാധി രജത ജൂബിലി ആഘോഷം ഇന്നലെ നടന്നു. ആശ്രമത്തിൽ രാവിലെ ഹവനം, പ്രാർത്ഥനായജ്ഞം, സമൂഹപ്രാർത്ഥന, കഞ്ഞിവീഴ്ത്തൽ, അനുസ്മരണ സമ്മേളനം, വസ്ത്രദാനം, വൈകിട്ട് ദീപാരാധന, ദിവ്യസമാധി പ്രാർത്ഥനയും വിശേഷാൽ പൂജയും നടന്നു. അനുസ്മരണ സമ്മേളനം സേവാശ്രമ മഠാധിപതി ഗുരു ജ്ഞാനാനന്ദ സ്വാമി ഉദ്ഘാടനം ചെയ്തു. സേവാസമിതി പ്രസിഡന്റ് ആർ.അരവിന്ദാക്ഷൻ അദ്ധ്യക്ഷനായി. സാഹിത്യകാരൻ ആലുവ സുദർശനൻ മുഖ്യപ്രഭാഷണം നടത്തി. സുജാത സരോജം ദിവ്യസമാധി സന്ദേശം നൽകി. ചെപ്പള്ളിൽ ലേഖാബാബു ഗുരുപൂജയും എൻ.ശശീന്ദ്രൻ ധർമ്മാനന്ദ സ്മൃതിയും നത്തി. സേവാസമിതി ജനറൽ സെക്രട്ടറി അനിൽ.കെ ശിവരാജ് സംസാരിച്ചു. ഗുരു ജ്ഞാനാനന്ദ സ്വാമി വസ്ത്രദാനം നിർവ്വഹിച്ചു. സേവാസമിതി വൈസ് പ്രസിഡന്റ് പ്രേമാനന്ദൻ സ്വാഗതവും സേവാസമിതി ആഡിറ്റർ പ്രസന്ന ചന്ദ്രൻ നന്ദിയും പറഞ്ഞു. ദിവ്യസമാധിയുടെ ഭാഗമായി നടന്നുവരുന്ന ജ്ഞാനസാധനായജ്ഞം 11ന് സമാപിക്കും.