ആലപ്പുഴ: ഡിസംബറിൽ നടക്കുന്ന കയർ കേരള 2019ന്റെ ഭാഗമായി സംസ്ഥാനതല ഫോട്ടോഗ്രഫി മത്സരം സംഘടിപ്പിക്കും. 'കയറും ജീവിതവും' എന്ന വിഷയത്തിൽ എടുത്ത പുതിയ ചിത്രങ്ങളാണ് മത്സരത്തിന് അയക്കേണ്ടത്. ഒന്നാം സമ്മാനമായി 25,000 രൂപയും രണ്ടാം സമ്മാനമായി 10,000 രൂപയും നൽകും.

ഫോട്ടോഗ്രാഫുകൾ 4നകം coirkeralafair19@gmail.com എന്ന മെയിൽ ഐഡിയിൽ അയയ്ക്കണം.12X18 ഇഞ്ച് വലിപ്പമുള്ള കളർ ചിത്രങ്ങളാണ് അയക്കേണ്ടത്. 10 മെഗാബൈറ്റിനും 20 മെഗാബൈറ്റിനും ഇടയിലായിരിക്കണം സൈസ്. തിരഞ്ഞെടുക്കുന്ന മികച്ച ചിത്രങ്ങൾ ഇന്റർനാഷണൽ കയർ മ്യൂസിയത്തിൽ പ്രദർശിപ്പിക്കും. ഫോൺ: 9633105727, 7034347546.