ചേർത്തല: പ്രളയം തകർത്തെറിഞ്ഞ പോതിമംഗലം പാടശേഖരം കതിർമണി പദ്ധതിയിലൂടെ വീണ്ടും കതിരണിയും. അതിജീവനത്തിന്റെ ഭാഗമായി തണ്ണീർമുക്കം ഗ്രാമപഞ്ചായത്തി​ൽ 52ഏക്കർ വരുന്ന പാടശേഖരത്തിലെ ജോലികൾ തൊഴിലുറപ്പ് തൊഴിലാളികൾ ഏ​റ്റെടുത്തു.

ബണ്ട് നിർമ്മാണവും ചു​റ്റുതോട് നിർമ്മാണവും പാടശേഖരത്തിലെ നിലം ഒരുക്കുന്നതും ഉൾപ്പെടെ 45 ലക്ഷം രൂപയുടെ പ്രവൃത്തികൾ മുന്നൂറോളം തൊഴിലാളികളാണ് ചെയ്യുന്നത്. 72 കർഷകരുടേയും കർഷക സ്‌നേഹികളുടേയും സ്വപ്നം സഫലമാക്കി​ക്കൊണ്ട് ബണ്ട് നിർമ്മാണത്തിന് തുടക്കമായി. ബണ്ട് നിർമ്മാണത്തിന്റെ ഉദ്ഘാടനം ഗ്രാമപഞ്ചായത്ത് പ്രസിഡന്റ് അഡ്വ.പി.എസ്‌.ജ്യോതിസ് നിർവഹിച്ചു. ഗ്രാമപഞ്ചായത്തംഗം ഉഷ ശിവദാസൻ അദ്ധ്യക്ഷത വഹിച്ചു. കൃഷി ഓഫീസർ സമീറ, പാടശേഖര സമിതി കൺവീനർ സിദ്ധാർത്ഥൻ, വി.എ.വിൻസെന്റ് , പൂർണിമ,ശാരിക,രഘുപതി,രേണുക,ഗീതഅജയൻ എന്നിവർ സംസാരിച്ചു.