കൊച്ചി: എറണാകുളം ഉപജില്ലാ സ്കൂൾ കലോത്സവത്തിന് തിങ്കളാഴ്ച തുടക്കമാകും. തേവര എസ്.എച്ച് ഹൈസ്കൂൾ, ഹയർ സെക്കൻഡറി സ്‌കൂൾ, സെന്റ് മേരീസ് യു.പി സ്‌കൂൾ, സെന്റ് തോമസ് പെരുമാനൂർ എന്നിവിടങ്ങളിലായാണ് വേദികൾ.തിങ്കളാഴ്ച രജിസ്ട്രേഷൻ. 5ന് ബാൻഡ് മേളം, രചന മത്സരങ്ങൾ എന്നിവ നടക്കും. ആറു മുതൽ എട്ടു വരെയാണ് സ്റ്റേജ് മത്സരങ്ങൾ . സ്വാഗത സംഘം രൂപീകരിച്ചു. യോഗം കോർപ്പറേഷൻ കൗൺസിലർ സി.കെ. പീറ്റർ ഉദ്ഘാടനം ചെയ്തു. ഫാ.അഗസ്റ്റിൻ തോട്ടക്കര അദ്ധ്യക്ഷനായിരുന്നു. എൻ.എക്‌സ് .അൻസലാം, ടോമി അന്ത്രപേർ, ജീൻ സെബാസ്റ്റ്യൻ, എ.എൻ ബിജു, കെ.വി ബെന്നി എന്നിവർ സംസാരിച്ചു.