മൂവാറ്റുപുഴ : എൻഎസ്എസിന്റെ അമ്പതാം വാർഷികത്തോടനുബന്ധിച്ച് ഈസ്റ്റ് മാറാടി സർക്കാർ വി.എച്ച്.എസ് സ്കൂളിലെ എൻ.എസ്.എസ് യൂണിറ്റിന്റെ നേതൃത്വത്തിൽ മാറാടി ഗ്രാമപഞ്ചായത്തിലെ മൂന്നാം വാർഡിലെ 81-ാം നമ്പർ ചന്തപ്പാറ അംഗൻവാടി ഏറ്റെടുത്ത് നവീകരിച്ചു. . ജില്ലാ പഞ്ചായത്തംഗം അഡ്വ.എൻ അരുൺ ഉദ്ഘാടനം നിർവഹിച്ചു, പ്രിൻസിപ്പാൾ റോണിമാത്യു അദ്ധ്യക്ഷത വഹിച്ചു. പഠന ഉപകരണങ്ങളുടെയും ഫർണിച്ചറുകളുടെയും കൈമാറൽ മാറാടി ഗ്രാമപഞ്ചായത്ത് പ്രസിഡന്റ് ലത ശിവനും, വൈറ്റ് ബോർഡ് കൈമാറൽ ക്ഷേമകാര്യ സ്റ്റാൻഡി​ഗ് കമ്മിറ്റി ചെയർമാൻ മുരളി കെ.എസും, വിദ്യാർത്ഥികൾക്കുള്ള ഹാൻഡ് വാഷ് കൈമാറൽ മൂവാറ്റുപുഴ അഡീഷണൽ സി.ഡി.പി.ഒ ജയന്തി പി നായരും നിർവഹിച്ചു.