പെരുമ്പാവൂർ:കേരളോത്സവത്തിന്റെ ഭാഗമായുള്ള ഗ്രാമോത്സവത്തിന് മുടക്കുഴയിൽ തുടക്കമായി.കേരളപിറവി ദിനത്തിൽ തുടക്കം കുറിച്ച ഉത്സവം ഈ മാസം 23 ന് സമാപിക്കും.ഫുഡ് ഫെസ്റ്റ്, നാടൻ പാട്ട്,ഞാറുനടീൽ,ഓലമെടയൽ,സിനിമാറ്റിക് ഡാൻസ്,തിരുവാതിരഎന്നിവമത്സരവിഭാഗത്തിൽ ഉൾക്കൊള്ളിച്ചിട്ടുണ്ട്.ഗ്രാമോത്സവം കൂവപ്പടി ബ്ലോക്ക് പഞ്ചായത്ത് പ്രസിഡന്റ് ബിന്ദു ഗോപാലകൃഷ്ണൻ ഉദ്ഘാടനം ചെയ്തു.പഞ്ചായത്ത് പ്രസിഡന്റ് ജിഷ സോജൻ അദ്ധ്യക്ഷത വഹിച്ചു. യോഗത്തിൽ മുൻ എം. എൽ. എ സാജു പോൾ,ജില്ലാ പഞ്ചായത്ത് അംഗം ജാൻസി ജോർജ്,പഞ്ചായത്ത് വൈസ് പ്രസിഡന്റ് എ. ടി. അജിത് കുമാർ,പഞ്ചായത്ത് അംഗങ്ങളായ ഷോജ റോയി,പി. കെ. ശിവദാസ്,എൽസി പൗലോസ്,എസ്. നാരായണൻ,പി.കെ രാജു,ബിബിൻ പുനത്തിൽ,ഷൈമി വറുഗീസ്,മിനി ഷാജി,ലിസി മത്തായി,മുടക്കുഴ സർവീസ് സഹകരണ ബാങ്ക് പ്രസിഡന്റ് പി.പി. അവറാച്ചൻ,സി.ഡി.എസ്. ചെയർപേഴ്‌സൻ സോഫി രാജൻ,സെക്രട്ടറി മേഴ്‌സി കെ. ഒ എന്നിവർ പ്രസംഗിച്ചു.