കൊച്ചി : കറുത്ത കുത്തുകൾ ചേർത്തൊരുക്കി ഉണ്ണിശങ്കർ രചിച്ച ചിത്രങ്ങളുടെ പ്രദർശനം ഇന്നു മുതൽ 30 വരെ ഫോർട്ടുകൊച്ചി ദ്രവീഡിയ ആർട്ട് ഗ്യാലറിയിൽ നടക്കും. ഇങ്ങിനെ ചിത്രങ്ങൾ വരയ്ക്കുന്ന അപൂർവം കലാകാരന്മാരിൽ ഒരാളാണ് ഉണ്ണിശങ്കർ. ഇവരി​ൽ മലയാളി​ ഉണ്ണി​ മാത്രം.

രണ്ടു വർഷം കൊണ്ട് കാൻവാസി​ൽ വരച്ച 25 ചിത്രങ്ങളൾ പ്രദർശനത്തി​ലുണ്ട്. ഇന്നു വൈകിട്ട് 3.30 ന് ലളിതകലാ അക്കാഡമി മുൻ സെക്രട്ടറി സത്യപാൽ പ്രദർശനം ഉദ്ഘാടനം ചെയ്യും. എഴുത്തുകാരൻ സി.ടി. തങ്കച്ചൻ ആശംസകൾ നരും. കവി ഷിഹാബ് സ്വാഗതവും ഉണ്ണിശങ്കർ നന്ദിയും പറയും.

# പോയിന്റിലിസം

കുത്തുകൾ കൊണ്ട് ചിത്രം വരയ്ക്കുന്ന ശൈലിയാണ് പോയിന്റിലിസം. നിയോ ഇംപീരിയലിലസം എന്ന പേരിലും ഈ ശൈലി അറിയപ്പെടുന്നു.

ആഴ്ചകളും മാസങ്ങളും കൊണ്ടാണ് ഒരു ചിത്രം പൂർത്തിയാവുക.

# ഉണ്ണിശങ്കർ

ചേന്ദമംഗലത്ത് ജനിച്ച ഉണ്ണിശങ്കർ പുക്കാട്ടുപടിയിലാണ് ഇപ്പോൾ താമസം. പൂനെയിൽ കുടിയേറിയ അദ്ദേഹം ഫോട്ടോഗ്രാഫറായി​. പിന്നീട് സൗദിയിലെത്തിയതോടെ ചിത്രരചന തുടർന്നു. കൊച്ചിയിൽ മടങ്ങിയെത്തിയപ്പോൾ ചിത്രരചന സജീവമാക്കി. ശില്പങ്ങളും നിർമ്മിച്ചു. ഹൈക്കോടതിയിലെ അശോകസ്തംഭവും വണ്ടർലായിലെ ഏതാനും ശില്പങ്ങളും അദ്ദേഹത്തിന്റെ സൃഷ്ടികളാണ്. മോസ്കോ, യൂറോപ്പ്, മസ്കറ്റ് എന്നിവടങ്ങളിലുൾപ്പെടെ നിരവധി പ്രദർശനങ്ങളിൽ പങ്കെടുത്തു.

# വിഷമകരമായ ശൈലി

കുത്തുകൾ കൊണ്ട് ചിത്രം വരയ്ക്കുന്നവർ യൂറോപ്പിലുണ്ട്. ഇന്ത്യയിൽ തന്നെ മറ്റാരുമുള്ളതായി അറിയില്ല. കാൻവാസിലാണ് ഞാൻ വരയ്ക്കുന്നത്. ഒരുപാട് ധ്യാനവും വിഷമതയും ചിത്രങ്ങൾ പൂർത്തിയാക്കാൻ ആവശ്യമാണ്.

ആർട്ടിസ്റ്റ് ഉണ്ണിശങ്കർ