വൈപ്പിൻ :റവന്യൂ ഡിപ്പാർട്ട്‌മെന്റിനെ ശാസ്ത്രീയമായി പുന : സംഘടിപ്പിക്കണമെന്ന്‌കേരള റവന്യൂ ഡിപ്പാർട്ട്‌മെന്റ് സ്റ്റാഫ് അസോസി​യഷൻ ആവശ്യപ്പെട്ടു. നാല് പതിറ്റാണ്ടിലേറെ പഴക്കമുള്ള സ്റ്റാഫ് പാറ്റേണിലാണ് ഇപ്പോഴും പ്രവർത്തിക്കുന്നത്. അമിതമായ ജോലിഭാരമാണ് ജീവനക്കാർ അനുഭവിക്കുന്നത്.വില്ലേജുകളും താലൂക്കുകളും പുന: സംഘടിപ്പിക്കണം.

ജില്ലാസമ്മേളനം 5, 6 തിയതികളിൽ മാലിപ്പുറം കർത്തേടം ഓഡിറ്റോറിയത്തിൽ നടക്കും. സമ്മേളനം 5 ന് സി പി ഐ ജില്ലാസെക്രട്ടറി പി രാജു ഉത്ഘാടനം ചെയ്യും. ഇ സി ശിവദാസ് അദ്ധ്യക്ഷത വഹിക്കും. എ ഐ ടി യു സി സംസ്ഥാന വർക്കിംഗ് കമ്മിറ്റി അംഗം കെ ജി ശിവാനന്ദൻ, അഡ്വ. മജ്‌നു കോമത്ത്, പി അജിത്ത് , കെ എൽ ദിലീപ് കുമാർ, പി ഒ ആന്റണി, കെ എസ് ജയദീപ് തുടങ്ങിയവർ സംസാരിക്കും.

ആറാംതി​യതി​ പ്രതിനിധി സമ്മേളനം ജോയിന്റ് കൗൺസിൽ ചെയർമാൻ ജി മോട്ടിലാൽ ഉദ്ഘാടനം ചെയ്യും. സംസ്ഥാന ജനറൽസെക്രട്ടറി ജയചന്ദ്രൻ കല്ലിംഗൽ, സംസ്ഥാന സെക്രട്ടറിയേറ്റ് അംഗം ബാലൻ ഉണ്ണിത്താൻ, ബിന്ദുരാജൻ, എസ് കെഎം ബഷീർ, ശ്രീജി തോമസ് തുടങ്ങിയവർ സംസാരിക്കും. വിരമിച്ചസംസ്ഥാന പ്രസിഡൻറ് എ സുരേഷ് കുമാറിനും, മുൻട്രഷറർ വി. ടി മാത്തുക്കുട്ടിക്കും യാത്രയയപ്പ് നല്കും. ചടങ്ങിൽ എസ് പി സുമോദ്, എ എസ് മീനകുമാരി, ഇ പി സുരേഷ്, മെർലിൻ പായ് വ , വി ജെ ജെൽസൺ തുടങ്ങിയവർ സംസാരിക്കും.