മൂവാറ്റുപുഴ: പേഴയ്ക്കാപ്പിള്ളി ഗവ.ഹയർസെക്കൻഡറി സ്‌കൂളിൽ ഭിന്നശേഷിക്കാർക്കും ശാരീരിക വൈകല്യമുള്ള കുട്ടികൾക്കുമായി സൗജന്യ ഫിസിയോ തെറാപ്പി സെന്റർ പ്രവർത്തനം ആരംഭിച്ചു. സാമ്പത്തിക പരാധീനത മൂലം ഫിസിയോ തെറാപ്പി ചികിത്സ സാധ്യമാകാത്ത കുട്ടികൾക്കായാണ് സെന്റർ ആരംഭിച്ചിരിക്കുന്നത്. ഗ്രാന്റുകളോ ധനസഹായമോ ലഭിക്കാത്ത സാഹചര്യത്തിൽ ജില്ലാ പഞ്ചായത്ത് അംഗം എൻ.അരുണിന്റെ നേതൃത്വത്തിൽ സ്‌കൂർ പിറ്റിഎ യുടെയും ജനങ്ങളുടെയും സഹകരണത്തോടെയാണ് സെന്റർ പ്രവർത്തനങ്ങൾ ആരംഭിച്ചിരിക്കുന്നത്. ഉദ്ഘാടന ചടങ്ങിൽ നിരവധി കുട്ടികളും രക്ഷകർത്താക്കളും പങ്കെടുത്തു. ജില്ലാ പഞ്ചായത്ത് അംഗം എൻ.അരുൺ ഉദ്ഘാടനം ചെയ്തു. പി റ്റി എ പ്രസിഡണ്ട് സി കെ ബഷീർ അദ്ധ്യക്ഷത വഹിച്ചു. ഗ്രാമ പഞ്ചായത്ത് പ്രസിഡണ്ട് ആലിസ് കെ എലിയാസ് മുഖ്യ പ്രഭാഷണം നടത്തി ഗ്രാമപഞ്ചായത്ത് ആരോഗ്യ വിദ്യാഭ്യാസ സ്റ്റാന്റിംഗ് കമ്മിറ്റി ചെയർപേഴ്‌സൺ ആമിന മുഹമ്മദ് റാഫി, വാർഡ് അംഗം വി എച്ച് ഷഫീക്, ഹെഡ്മാസ്റ്റർ വി.സി മനോജ് കുമാർ, പി.ടി.എ വൈസ്പ്രസിഡന്റ് ഫൈസൽ മുണ്ടങ്ങാമറ്റം ഹസീന അലി, അസീസ് പുഴക്കര, റിസോർസ് അധ്യാപകരായ റെജി ജോസഫ്, കവിത ജോൺ എന്നിവർ പ്രസംഗിച്ചു.