കൂത്താട്ടുകുളം: വർഷങ്ങളുടെ കാത്തിരി​പ്പിനൊടുവിൽ ചെള്ളയ്ക്കപ്പടി കോളനിയിലെ വീടുകളിൽ കുടിവെള്ളമെത്തി . നഗരസഭയിലെ 23-ാം ഡിവിഷനിൽ ഉൾപ്പെടുന്ന കോളനിയിലെ 40 കുടുംബങ്ങൾക്കാണ് സമഗ്ര കുടിവെള്ള പദ്ധതിയിൽ നിന്നും കണക് ഷൻ നൽകിയത്. കോളനിയിൽ സ്ഥാപിച്ചിരുന്ന ടാങ്കിലെ മൂന്ന് ടാപ്പുകൾ മാത്രമായിരുന്നു ഈ കുടുംബങ്ങൾക്ക് വെള്ളത്തിന് ഏക ആശ്രയം. കുടിവെള്ള പദ്ധതി കമ്മിറ്റി ഭാരവാഹികളായി സണ്ണി കുര്യാക്കോസിനെയും, നഗരസഭാ ഉപാദ്ധ്യക്ഷ വിജയാശിവനെയും തി​രഞ്ഞെടുത്തതോടെയാണ് ഇപ്പോൾ കോളനിയിലെ വീടുകളിലേക്ക് പൈപ്പ് കണക് ഷൻ നൽകി​യത്. കുടിവെള്ള വിതരണത്തിന്റെ ഉദ്ഘാടനം എംപിഐ ഡയറക്ടർ ഷാജു ജേക്കബ് നിർവഹിച്ചു.സണ്ണി കുര്യാക്കോസ് അദ്ധ്യക്ഷനായിരുന്നു. എം ആർ സുരേന്ദ്രനാഥ്, സി എൻ പ്രഭകുമാർ, വിജയാ ശിവൻ, ഫെബീഷ് ജോർജ്, കെ ആർ സുനു, , അരുൺ.വി. മോഹൻ, അജി ജോസഫ്, പി.ടി.സുകു, പി.ജെ.ലൂക്കാ ,ടി.ആർ.വിജയൻ,കെ.കെ.ജയദേവൻ ,കെഎസ്.കൃഷ്ണൻകുട്ടി തുടങ്ങിയവർ സംസാരിച്ചു.