അങ്കമാലി: അങ്കമാലി ബ്ലോക്കിൽ അംഗനവാടികളിൽ ഉത്സവപ്രതീതിയോടെ പ്രവേശനോത്സവം സംഘടിപ്പിച്ചു.
കറുകുറ്റി ഗ്രാമപഞ്ചായത്തിലെ കരയാംപറമ്പ് അംഗൻവാടിയിൽ നടന്ന ബ്ലോക്കുതല പ്രവേശനോത്സവം ബ്ലോക്ക് പഞ്ചായത്ത് പ്രസിഡന്റ് പി.ടി. പോൾ ഉദ്ഘാടനം ചെയ്തു. കറുകുറ്റി ഗ്രാമപഞ്ചായത്ത് പ്രസിഡന്റ് ഷാജു വി. തെക്കേക്കര അദ്ധ്യക്ഷത വഹിച്ചു. ബ്ലോക്ക് പഞ്ചായത്ത് വൈസ് പ്രസിഡന്റ് വത്സാ സേവ്യർ, സ്ഥിരംസമിതി അദ്ധ്യക്ഷരായ കെ.പി. അയ്യപ്പൻ, ഗ്രേസി റാഫേൽ, കുഞ്ഞമ്മ ജേക്കബ്, സ്‌കിൽസ് എക്‌സലൻസ് സെന്റർ കൺവീനർ ടി.എം. വർഗീസ് എന്നിവർ പ്രസംഗിച്ചു.