മൂവാറ്റുപുഴ: ജില്ലയില്ലെ സോഡനിർമ്മാതാക്കളുടെ സ്വതന്ത്ര സംഘടനയായ സോഡ സോഫ്റ്റ് ഡ്രിങ്ക്‌സ് പ്രൊഡ്യൂസേഴ്‌സ് അസോസിയേഷന്റെ ഓഫീസ് പ്രവർത്തനം ആരംഭിച്ചു. ഓഫീസിന്റെ ഉദ്ഘാടനം മൂവാറ്റുപുഴ മർച്ചന്റ് അസോസിയേഷൻ പ്രസിഡന്റ് അജ്മൽ ചക്കുങ്ങൽ നിർവ്വഹിച്ചു. പൊതുസമ്മേളനം കേരള സംസ്ഥാന ചെറുകിട വ്യവസായ അസോസിയേഷൻ ജില്ലാ പ്രസിഡന്റ് മുഹമ്മദ് അഷറഫ് ഉദ്ഘാടനം ചെയ്തു. സോഡ സോഫ്റ്റ് ഡ്രിങ്ക്‌സ് പ്രൊഡ്യൂസേഴ്‌സ് അസോസിയേഷൻ ജില്ലാ പ്രസിഡന്റ് നിഷാദ് കുഞ്ചാട്ട്കര അദ്ധ്യക്ഷത വഹിച്ചു. ജില്ലാ സെക്രട്ടറി വി.ആർ.ലോഹിതാക്ഷൻ പിറവം മുഖ്യപ്രഭാഷണം നടത്തി. കേരള സംസ്ഥാന ചെറുകിട വ്യവസായ അസോസിയേഷൻ ജില്ലാ വൈസ് പ്രസിഡന്റ് അലി കാലടി, കേരള സംസ്ഥാന ചെറുകിട വ്യവസായ അസോസിയേഷൻ ജില്ലാ കമ്മിറ്റി അംഗം രാജൻ കോലഞ്ചേരി, സോഡ സോഫ്റ്റ് ഡ്രിങ്ക്‌സ് പ്രൊഡ്യൂസേഴ്‌സ് അസോസിയേഷൻ അംഗങ്ങളായ ഷിജു പെരുമ്പാവൂർ, കബീർ വളയംചിറങ്ങര, ഫൈസൽ പട്ടിമറ്റം, രമേഷ് അങ്കമാലി എന്നിവർ സംസാരിച്ചു.അസോസിയേഷൻ മൂവാറ്റുപുഴ ഏരിയ സെക്രട്ടറി എൻ.കെ.രാജേഷ് സ്വാഗതവും, ജില്ലാ ട്രഷറർ ഹനീഫ കോതമംഗലം നന്ദിയും പറഞ്ഞു.