കൊച്ചി: സ്ത്രീകളുടെയും കുട്ടികളുടെയും ഉന്നമനത്തിന് പ്രവർത്തിക്കുന്ന ഇ ഉന്നതി ഫൗണ്ടേഷനും ഹരിത കേരള മിഷനുമായി സഹകരിച്ച് ആഗോളതാപന പ്രതിഭാസത്തെ ചെറുക്കുന്നതിന് ഈമാസം 14 ന് എറണാകുളം ജില്ലയിൽ ഒരു ലക്ഷം വൃക്ഷത്തൈകൾ നട്ടുപിടിപ്പിക്കും.മൈത്രി മൈ ട്രീ ചലഞ്ച് എന്ന പരിപാടിയിലൂടെ ജൈവ വൈവിധ്യത്തെ സംരക്ഷിക്കാൻ പച്ചത്തുരുത്തുകൾ നിർമ്മിക്കുകയാണ് ലക്ഷ്യം. താത്പര്യമുള്ള സ്‌കൂളുകൾ, വ്യക്തികൾ, സ്ഥാപനങ്ങൾ തുടങ്ങിയവർക്ക് ഇ ഉന്നതിയുമായി ബന്ധപ്പെടാം.

ഞായറാഴ്ച രാവിലെ 9.30 മുതൽ വൈകിട്ട് 6.30 വരെ കടവന്ത്ര ജി.സി.ഡി.എ കോംപ്ലക്‌സിൽ വൃക്ഷത്തൈകൾ സമർപ്പിക്കാം.ദന്തപ്പാല, അശോകം, ആര്യ വെപ്പ്, കൂവളം, കണിക്കൊന്ന, കറിവേപ്പ്, നെല്ലി, മാതളം, മാവ്, ഇരുമ്പൻ പുളി, പേര, ചാമ്പ, ഞാവൽ, കടുക്ക, താന്നിക്ക, അത്തി, ജാതി, സീതപ്പഴം, മന്ദാരം, അമ്പഴം തുടങ്ങിയ വൃക്ഷങ്ങളും ബ്രഹ്മി, കയ്യോന്നി, കൊടങ്ങൽ, കീഴാർ നെല്ലി, ആടലോടകം, കറ്റാർവാഴ, ചെറൂള, സർപ്പഗന്ധി, ആവണക്ക്, തുളസി, തഴുതാമ, മഞ്ഞൾ, നറുനീണ്ടി, മഞ്ഞൾ, കച്ചോലം, നീലയരമി, കച്ചോലം, മൈലാഞ്ചി തുടങ്ങിയ ഔഷധ സസ്യങ്ങളാണ് സ്വീകരിക്കുക.

വിവരങ്ങൾക്ക്: 9946699000, 9809872890, 9847042000.