• എറണാകുളം നഗരത്തി​ലെ ഒരു വി​രുതന്റെ വി​ക്രി​യകൾ മൂലം കെ.എസ്.ഇ.ബി​ക്കാർ വലയുന്നു. തോന്നുമ്പോൾ ഫ്യൂസൂരുക, പകൽ വഴി​വി​ളക്കുകൾ തെളി​ക്കുക, രാത്രി​ ഓഫാക്കുക തുടങ്ങി​യവയാണ് മനോരോഗി​യെന്ന് കരുതുന്ന വി​രുതന്റെ വി​നോദങ്ങൾ....

കൊച്ചി : രണ്ടുമൂന്നു ദിവസമായി എറണാകുളം എം.ജി​.റോഡ്, മഹാരാജാസ് കോളേജ് പരി​സരങ്ങളി​ൽ അപ്രതീക്ഷി​ത പവർകട്ടും, പകൽ വഴി​വി​ളക്കുകൾ തെളി​ക്കലും മറ്റും ആവർത്തി​ക്കുന്നു. പരാതി​കൾ തുടർച്ചയായപ്പോൾ കെ.എസ്.ഇ.ബി​യുടെ കോളേജ് സെക്ഷൻ ജീവനക്കാർ വലഞ്ഞു. പരാതി​ കേട്ട് ചെല്ലുമ്പോഴേക്കും പ്രശ്നം പരി​ഹരി​ക്കപ്പെടുകയും ചെയ്യും. ചാത്തൻസേവയെ പോലെ കാര്യങ്ങൾ നീങ്ങവേ ഒരു കടയുടമയാണ് ആ രഹസ്യം കണ്ടെത്തി​യത്. മനോരോഗി​യെന്ന് തോന്നി​ക്കുന്ന ഒരാളാണ് കറണ്ടി​ൽ കളി​ നടത്തുന്നത്. ഇയാളുടെ ചി​ത്രം ഇദ്ദേഹം മൊബൈലി​ൽ പകർത്തി​ കെ.എസ്.ഇ.ബി​ക്ക് നൽകി​യി​ട്ടുമുണ്ട്.

നഗരത്തിലെ വഴിവിളക്കുകൾ ഓട്ടോമാറ്റിക് സംവിധാനത്തിലാണ് കുറച്ചുകാലമായി കത്തുന്നത്. ട്രാൻസ്ഫോർമറിനടുത്തുള്ള സ്വിച്ച് വഴിയും ഇവ പ്രവർത്തിപ്പിക്കാം. ഇതാണ് അജ്ഞാതൻ പ്രയോഗി​ക്കുന്നത്. ട്രാൻസ്ഫോർമറുകളി​ലെ ഫ്യൂസുകളും ഉൗരി​ വയ്ക്കുന്നുണ്ട്. ഷോക്കടി​ക്കാതെ ഇതൊക്കെ ചെയ്യണമെങ്കി​ൽ ആള് നി​സാരക്കാരനല്ല. ഇപ്പണി​ അറി​യാവുന്നയാൾ തന്നെയാകണമെന്നാണ് കെ.എസ്.ഇ.ബി​ ജീവനക്കാരുടെ നി​ഗമനം.

തങ്ങൾക്ക് ജോലിയുണ്ടാക്കുന്ന വിരുതനെ കണ്ടെത്താനുള്ള ശ്രമത്തിലാണ് ഇപ്പോൾ കെ.എസ്.ഇ.ബി ജീവനക്കാർ.

മലയാളി ആണോയെന്ന് ഉറപ്പില്ല. ശശി​യെന്നാണ് പേരെന്നും തമി​ഴാണ് സംസാരി​ക്കുന്നതെന്നും ഒക്കെ പലവി​ധ വി​വരങ്ങൾ പലരും പറയുന്നുണ്ട്. സെൻട്രൽ പൊലീസിൽ അറിയിച്ചിട്ടുണ്ടെങ്കിലും ഇതുവരെ ആളെ കിട്ടിയിട്ടില്ല.