കോലഞ്ചേരി: എം.ഒ.എസ്.സി. മെഡിക്കൽ കോളേജ് ആശുപത്രിയുടെ സുവർണ ജൂബിലിയോടനുബന്ധിച്ച് പബ്ലിക് റിലേഷൻസ് ഡിപ്പാർട്‌മെന്റിന്റെ നേതൃത്വത്തിൽ വയോജന ബോധവത്ക്കരണ ക്ലാസ് നടത്തി. മുവാറ്റുപുഴ ഐ.എം.എ ഹാളിൽ മുനിസിപ്പൽ കൗൺസിലർ കെ.വി.ബിനീഷ് കുമാർ ഉദ്ഘാടനം ചെയ്തു. കെ. ബി. സി. നായർ അദ്ധ്യക്ഷനായി.നഴ്‌സിംഗ് കോളേജ് അസിസ്റ്റന്റ് പ്രൊഫ. ജിനു കുര്യൻ വാർദ്ധക്യ കാല രോഗങ്ങൾ, പ്രതിരോധം, ചികിത്സ എന്നിവയെക്കുറിച്ച് ക്ലാസെടുത്തു .മുവാറ്റുപുഴ താലൂക്ക് ആശുപത്രി റിട്ട:നഴ്‌സിംഗ് സൂപ്രണ്ട് ശാന്ത തങ്കപ്പൻ, ജോയി. കെ. മാത്യു പബ്ലിക് റിലേഷൻസ് അസിസ്റ്റന്റ് മാനേജർ രഞ്ജിത് മോഹനൻ,പബ്ലിക് റിലേഷൻസ് ഓഫീസർ സാലുമോൾ വർഗീസ് തുടങ്ങിയവർ സംസാരിച്ചു.