കൊച്ചി: എറണാകുളം ജില്ല ശിശുക്ഷേമ സമിതിയുടെ ആഭിമുഖ്യത്തിൽ നവംബർ 14ന് എറണാകുളത്ത് ശിശു ദിനറാലിയും സമ്മേളനവും സംഘടിപ്പിക്കും. ശിശുദിന റാലി വ്യാഴാഴ്ച രാവിലെ 8 ന് എറണാകുളം രാജേന്ദ്ര മൈതാനത്തിനു മുന്നിലെ ഗാന്ധി പ്രതിമക്കു മുന്നിൽ നിന്നും ആരംഭിച്ച് ദർബാൾ ഹാൾ ഗ്രൗണ്ടിൽ സമാപിക്കും. തുടർന്നു നടക്കുന്ന പൊതുസമ്മേളനം കുട്ടികളുടെ പ്രധാനമന്ത്രി, എറണാകുളം സെന്റ് ആന്റണീസ് ഗവൺമെന്റ് എൽ.പി സ്‌കൂൾ വിദ്യാർത്ഥിനി നേഹ സി.എൽ ഉദ്ഘാടനം ചെയ്യും. ശിശുക്ഷേമസമിതി സംഘടിപ്പിച്ച കുട്ടികളുടെ കലോത്സവമായ 'വർണോത്സവം'' ത്തിൽ യു.പി. വിഭാഗത്തിൽ ഒന്നാം സ്ഥാനം നേടിയ സെന്റ് തേരാസസ് ഗേൾസ് ഹൈസ്‌ക്കൂളിലെ റോസിക മേരി അദ്ധ്യക്ഷയായിരിക്കും.