മൂവാറ്റുപുഴ: അഖിലേന്ത്യ സഹകരണ വാരാഘോഷത്തിന്റെ മൂവാറ്റുപുഴ താലൂക്ക് തല ഉദ്ഘാടനം 16 ന് നടക്കും. ഉച്ചക്ക് 2 ന് കൂത്താട്ടുകുളം കെ.റ്റി.ജേക്കബ് മെമ്മോറിയൽ ടൗൺ ഹാളിൽ എൽദോ എബ്രഹാം എം.എൽ.എ ഉദ്ഘാടനം ചെയ്യും. അനൂപ് ജേക്കബ് എം.എൽ.എ അദ്ധ്യക്ഷത വഹിക്കും. മുൻ എം.എൽ.എ ഗോപി കോട്ടമുറിക്കൽ സമ്മാന ദാനവും മുൻ എം.എൽ.എ ബാബു പോൾ മുഖ്യ പ്രഭാഷണവും നടത്തും. തുടർന്ന് ഈ വർഷത്തെ സഹകരണ വാരാഘോഷത്തിന്റെ പ്രമേയമായ 'നവ ഇന്ത്യയിൽ സഹകരണത്തിന്റെ പങ്ക് - വിജയഗാഥകളിലൂന്നിയുള്ള പുനപരിശീലനവും വിദ്യാഭ്യാസവും ' എന്ന വിഷയത്തിൽ സെമിനാർ നടക്കും.