കൊച്ചി : ഇന്ത്യൻ റെയിൽവേ സ്വകാര്യവത്കരിക്കുന്നതിനും പ്രധാന നഗരങ്ങളിലെ റെയിൽവേ സ്റ്റേഷനുകൾ പാട്ടത്തിന് നൽകാനുമുള്ള കേന്ദ്ര സർക്കാർ തീരുമാനത്തിനെതിരെ എ.ഐ.ടി.യു.സിയുടെ നേതൃത്വത്തിൽ ദേശവ്യാപകമായി നടക്കുന്ന പ്രക്ഷോഭത്തിന്റെ ഭാഗമായി ജില്ലാ കമ്മിറ്റിയുടെ ആഭിമുഖ്യത്തിൽ 20ന് എറണാകുളം നോർത്ത് റെയിൽവേ സ്റ്റേഷനിലേക്ക് മാർച്ചും പ്രതിഷേധ ശൃംഖലയും നടത്തും. പൊതുമേഖലാ എണ്ണക്കമ്പനിയായ ബി.പി.സി.എൽ വിൽക്കാനുള്ള തീരുമാനം പിൻവലിക്കണമെന്നാവശ്യപ്പെട്ട് 26 ന് അമ്പലമുകളിൽ ബി.പി.സി.എൽ സംരക്ഷണസദസ് നടത്തുന്നതിനും ജില്ലാ കൗൺസിൽ യോഗം തീരുമാനിച്ചു. ജില്ലാ പ്രസിഡന്റ് കെ.കെ. അഷ്‌റഫ് അദ്ധ്യക്ഷനായി. വൈസ് പ്രസിഡന്റ് പി. രാജു, സംസ്ഥാന സെക്രട്ടറി എലിസബത്ത് അസീസി, ജില്ലാ സെക്രട്ടറി കെ. .എൻ. ഗോപി, ബാബുപോൾ, എം.ടി നിക്‌സൺ, ടി .രഘുവരൻ, എം.പി രാധാകൃഷ്ണൻ എന്നിവർ സംസാരിച്ചു.