കൊച്ചി : ബി.പി.സി.എൽ സ്വകാര്യവത്കരിച്ച് പെട്രോൾ മേഖലയുടെ 24 ശതമാനം സ്വകാര്യമേഖലയ്ക്ക് തീറെഴുതാനുള്ള കേന്ദ്ര തീരുമാനത്തിൽ പ്രതിഷേധിച്ച് ഈ മാസം 25 ന് ജില്ലാ കോൺഗ്രസ് കമ്മിറ്റിയുടെ നേതൃത്വത്തിൽ ലോംഗ് മാർച്ച് നടത്തും. തൃപ്പൂണിത്തുറ പേട്ട ജംഗ്ഷനിൽ ആരംഭിച്ച് അമ്പലമുകളിൽ സമാപിക്കുന്ന മാർച്ച് പ്രതിപക്ഷ നേതാവ് രമേശ് ചെന്നിത്തല നയിക്കും. രാജ്യത്ത് ലാഭത്തിൽ പോകുന്ന പൊതുമേഖലാ സ്ഥാപനങ്ങളെ വിറ്റു തുലയ്ക്കുന്നതിൽ പ്രതിഷേധിച്ച് രാജ്യവ്യാപകമായി നടത്തുന്ന പ്രക്ഷോഭത്തിന്റെ ഭാഗമായാണ് ബി.പി.സി.എൽ മാർച്ചെന്ന് ജില്ലാ കോൺഗ്രസ് കമ്മിറ്റി പ്രസിഡന്റ് ടി.ജെ വിനോദ് പറഞ്ഞു. ഡി.സി.സി ഓഫീസിൽ ചേർന്ന ജില്ലാ നേതൃയോഗം മുൻ മന്ത്രി കെ. ബാബു ഉദ്ഘാടനം ചെയ്തു. നേതാക്കളായ കെ.വി തോമസ്, കെ.പി ധനപാലൻ, വി.പി സജീന്ദ്രൻ എം.എൽ.എ, എൻ. വേണുഗോപാൽ,
അജയ് തറയിൽ, ഐ.കെ രാജു, കെ.കെ വിജയലക്ഷ്‌മി, ലൂഡി ലൂയീസ്, എം.എ ചന്ദ്രശേഖരൻ, കെ.പി ഹരിദാസ്, കെ.ബി മുഹമ്മദ് കുട്ടി, ടി.വൈ യൂസഫ്, കെ.പി ബാബു, കെ. ശിവശങ്കരൻ, എൻ.പി വർഗീസ്, കെ.ആർ പ്രേംകുമാർ, കെ.പി തങ്കപ്പൻ, കെ.ആർ പ്രദീപ് കുമാർ എന്നിവർ പ്രസംഗിച്ചു.