കൊച്ചി: വയലിനിൽ ശ്രുതി ചേർത്ത് ആർ.എൽ.വിയിലെ പ്രിതിഭകളും സംഗീത മഴപെയ്യിച്ച് മഹാരാജാസ് കോളേജിലെ വിദ്യാർത്ഥികളും കൗമുദി നൈറ്റിനെ സംഗീതസാന്ദ്രമാക്കി. ജോൺസന്റെയും മോഹൻ സിത്താരയുടെയും ഈണങ്ങൾ ചേർത്തുള്ളതായിരുന്നു മഹാരാജാസിലെ സംഗീത വിഭാഗം വിദ്യാർത്ഥികളുടെ അവതരണം. അലക്സ്,​ സുരൂർ,​ ഐശ്വര്യ,​ നീരജ്,​ ശ്രീരഞ്ജിനി,​ സാറ,​ എൽദോ,​ അദ്വൈത് എന്നിവരാണ് സംഗീത പ്രകടനം കാഴ്ച്ച വച്ചത്. ജോൺസൺ മാഷിന്റെ പ്രശസ്തമായ ഗാനങ്ങൾ ചെയിൻ സോങ്ങായി ആലപിച്ചു. ജോൺസൺ മാഷിന്റെ ചിത്രങ്ങൾ വേദിയിലൂടെ മിന്നിമാഞ്ഞു പോവുമ്പോൾ സംഗീതത്തെ സ്നേഹിക്കുന്നവരെ പഴമയിലേക്ക് ആനയിക്കുകയായിരുന്നു ഇവർ. ദേവാങ്കണങ്ങൾ,​ മനസിൻ മടിയിലെ മാന്തളിരിൽ,​ അനുരാഗിണി ഇതാ നിൻ,​ മോഹം കൊണ്ടു ഞാൻ എന്നീ ഗാനങ്ങളാണ് വിദ്യാർത്ഥികൾ ആലപിച്ചത്.

മലയാളികൾ ഭാഷാ ഭേദമന്യേ നെഞ്ചിലേറ്റിയ ഗാനങ്ങളാണ് ആർ.എൽ.വി. വിദ്യാർത്ഥികളുടെ വയലിനുകളിൽ വിസ്മയം തീർത്തത്. സിന്ധു ശിവദാസ്,​ കാർത്തിക് കെ. ജയൻ,​ വിശാഖ് ബി,​ വിഷ്ണുരാജ് എന്നിവരാണ് വേദിയിൽ മാറ്റുരച്ചത്. കേരളക്കരയിൽ ഹിറ്റായി മാറിയ ഇൻകെ ഇൻകെ എന്നു തുടങ്ങുന്ന തെലുങ്ക് ഗാനം ഇവരുടെ തന്ത്രിയിൽ വിരിഞ്ഞു. തമിഴ് മെലഡി പാട്ടുകളും ശ്രുതിയിൽ ചാലിച്ച് പാടിയതോടെ സദസിനെ അക്ഷരാർത്ഥത്തിൽ ഇവർ കൈയിലെടു

ത്തു.