അങ്കമാലി: നഗരസഭ വാർഷിക പദ്ധതിയിൽ ഉൾപ്പെടുത്തി താലൂക്ക് ആശുപത്രിയുടെയും ഏർളി കാൻസർ ഡിറ്റക്ഷൻ സെന്ററിന്റെയും ആഭിമുഖ്യത്തിൽ കാൻസർ നിർണയ ക്യാമ്പ് സംഘടിപ്പിച്ചു. താലൂക്കാശുപത്രി അങ്കണത്തിൽ ചെയർപേഴ്സൺ എം.എ. ഗ്രേസി ഉദ്ഘാടനം ചെയ്തു. വൈസ് ചെയർമാൻ എം.എസ്. ഗിരീഷ്‌കുമാർ അദ്ധ്യക്ഷത വഹിച്ചു. പുഷ്പമോഹൻ, ബിജു സെബാസ്റ്റ്യൻ, ലില്ലി വർഗീസ്, വിനീത ദിലീപ്, കെ.കെ. സലി, റീത്താപോൾ തുടങ്ങിയവർ സംസാരിച്ചു. ഡോ.മുഫ്സിൻ എം.സലി ബോധവത്കരണ ക്ളാസെടുത്തു.