കൊച്ചി: ഗോശ്രി ചാത്യാത്ത് റോഡിലെ ക്യൂൻസ് വാക്ക് വേ.ക്യൂൻസ് വേയ്ക്ക് കൂടുതൽ പ്രാധാന്യം നല്കുന്ന മുന്നാം ഘട്ടത്തിന്റെ ഉദ്ഘാടനം ഹൈബി ഈഡൻ എം.പി നിർവ്വഹിച്ചു. ഐ ലവ് കൊച്ചി ഇൻസ്റ്റലേഷനും ഓപ്പൺ ജിംനേഷ്യവുമാണ്‌ മുന്നാം ഘട്ടത്തിൽ. ഹൈബി ഈഡൻ എം.എൽ.എയായിരുന്നപ്പോൾ ആസ്തി വിക്സന ഫണ്ടിൽ നിന്നും അനുവദിച്ച 54 ലക്ഷം രൂപ ഉപയോഗിച്ചാണ്‌ മുന്നാം ഘട്ടത്തിന്റെ നിർമ്മാണ പ്രവർത്തനം.
ദിവസേന രാവിലെയും വൈകിട്ടും വ്യായമത്തിനെത്തുന്നവർക്ക് സഹായകരമാകുന്ന പദ്ധതിയാണ്‌ ഓപ്പൺ ജിംനേഷ്യം. വ്യായാമത്തിന്‌ പൊതുവായി ഉപയോഗിക്കുന്ന പത്തോളം ഉപകരണങ്ങളാണ്‌ സജ്ജമാക്കിത്.
ഏറെ മനോഹരമായ രീതിയിലാണ്‌ ഇതിന്റെ നിർമ്മാണം.
ക്യൂൻസ് വേയുടെ നാലാം ഘട്ടത്തിൽ സൗജന്യ വൈ ഫൈയും ടോയ്‌ലെറ്റ് സൗകര്യങ്ങളും
ഏർപ്പെടുത്തുമെന്നും ഹൈബി ഈഡൻ എം.പി പറഞ്ഞു.ടി.ജെ.വിനോദ് എം.എൽ.എ, ജില്ലാ കളക്ടർ എസ്.സുഹാസ്, കൗൺസിലർമാരായ ആൻസ ജയിംസ്, ആൽബർട്ട്
അമ്പലത്തിങ്കൽ, ദീപക് ജോയി തുടങ്ങിയവർ പങ്കെടുത്തു.