കൊച്ചി : കേന്ദ്ര നൈപുണ്യ വികസന, സംരംഭകത്വ മന്ത്രാലയം കഴിവുകൾ കണ്ടെത്താൻ സംഘടിപ്പിക്കുന്ന ഇന്ത്യ സ്‌കിൽസ് 2020 മത്സരങ്ങൾക്ക് ഓൺലൈൻ രജിസ്‌ട്രേഷൻ ആരംഭിച്ചു.

പ്രാഥമികമത്സരം രാജ്യത്തെ നാല് മേഖലകളിൽ സംഘടിപ്പിക്കും. ഡൽഹിയിൽ ദേശീയ മത്സരത്തോടെ സമാപിക്കും. വിജയികൾക്ക് 2021ൽ ചൈനയിൽ നടക്കുന്ന വേൾഡ്‌സ്‌കിൽസ് മത്സരത്തിൽ പങ്കെടുക്കാം.
മെക്കാട്രോണിക്‌സ്, മാനുഫാക്ചറിംഗ് ടീം ചലഞ്ച്, എയറോനോട്ടിക്കൽ എൻജിനിയറിംഗ്, ക്ലൗഡ് കമ്പ്യൂട്ടിംഗ്, സൈബർ സുരക്ഷ, ബേക്കിംഗ്, ബ്യൂട്ടി തെറാപ്പി, ഹെയർഡ്രെസിംഗ്, മരപ്പണി, ജലസാങ്കേതികവിദ്യ, ഐ.ടി നെറ്റ്‌വർക്ക് കേബിളിംഗ് തുടങ്ങി അമ്പതിലധികം നൈപുണ്യ വിഭാഗങ്ങളിൽ മത്സരിക്കാൻ അവസരം ലഭിക്കുമെന്ന് സംഘാടകർ അറിയിച്ചു. കൂടുതൽ വിവരങ്ങൾക്ക് : www.worldskillsindia.co.in/ worldskill/world രജിസ്റ്റർ ചെയ്യാൻ : www.worldskillsindia.co.in