കൊച്ചി: തിരുമല തിരുപ്പതി ദേവസ്ഥാനത്തിന്‌ എറണാകുളത്ത് ഉടൻ ഇ -സേവ ആൻഡ് ഇൻഫർമേഷൻ കൗണ്ടർ ആരംഭിക്കുമെന്ന് ഹൈബി ഈഡൻ എം.പി പറഞ്ഞു. എറണാകുളം ടി.ഡി അമ്പലത്തിനോടനുബന്ധിച്ചാണ്‌ കൗണ്ടർ ആരംഭിക്കുക. ഇത് സംബന്ധിച്ച് തിരുമല തിരുപ്പതി ദേവസ്ഥാനം ചെയർമാൻ വൈ.വി സുബ്ബറെഡ്ഡിയുമായി എം.പി കൂടിക്കാഴ്ച്ച നടത്തി. കൗണ്ടറുടൻ ആരംഭിക്കുന്നതിനുള്ള നടപടികൾ സ്വീകരിക്കുമെന്ന് ചെയർമാൻ ഉറപ്പ് നൽകി.
300 വർഷം പഴക്കമുള്ള ബാലാജി പ്രതിഷ്ഠയുള്ള അമ്പലമാണ്‌ എറണാകുളത്തെ ടി.ഡി അമ്പലം. കേരളത്തിലെ ലക്ഷക്കണക്കിന്‌ വരുന്ന ബാലാജി ഭക്തർക്ക് ഇ - സേവ ആൻഡ് ഇൻഫർമേഷൻ കൗണ്ടർ യാഥാർത്ഥ്യമാക്കുന്നതോടെ തിരുപ്പതിയിലെ ദർശനം കൂടുതൽ സൗകര്യപ്രദമാകും. എറണാകുളം തിരുമല ദേവസ്വം ഇതിന്‌ മുമ്പ് ആന്ധ്രാപ്രദേശ് മുഖ്യമന്ത്രിക്കും മറ്റും അപേക്ഷ നൽകിയിരുന്നു.