മൂവാറ്റുപുഴ: വെയിൽ എഴുതിയ ചിത്രങ്ങൾ എന്ന കവിത സമാഹാരം മൂവാറ്റുപുഴ അർബൻ ബാങ്ക് ഹാളിൽ ബുധനാഴ്ച വെെകിട്ട് 5ന് നടന്ന ചടങ്ങിൽ ഡോ.സുനിൽ പി ഇളയിടം പ്രകാശന കർമ്മം ചെയ്തു. എം.ജി സർവകലാശാല സിൻഡിക്കേറ്റ് അംഗവും പുരോഗമന കലാസാഹിത്യ സംഘം സംസ്ഥാന സമിതിയംഗവുമായ ഡോ. അജി സി പണിക്കർ പുസ്തകം ഏറ്റുവാങ്ങി. സംഘം ഏരിയ പ്രസിഡന്റ് എ.എൽ. രാമൻകുട്ടി അദ്ധ്യക്ഷത വഹിച്ചു. കേരള ശാസ്ത്ര സാഹിത്യ പരിഷത്ത് സംസ്ഥാന പ്രസിഡന്റ് എ പി മുരളീധരൻ, സംഘം സംസ്ഥാന സമിതിയംഗം ജയകുമാർ ചെങ്ങമനാട്, ജില്ലാ സെക്രട്ടറി ജോഷി ഡോൺബോസ്‌കോ, കവി ജിനീഷ്‌ലാൽ രാജ്, കുമാർ കെ മുടവൂർ, എൻ വി പീറ്റർ, സി.എൻ. കുഞ്ഞുമോൾ, സിന്ധു ഉല്ലാസ് തുടങ്ങിയവർ പ്രസംഗിച്ചു.മൂവാറ്റുപുഴ വാഴപ്പിള്ളി ചാരുതയിൽ സിന്ധു ഉല്ലാസ് എഴുതിയ രണ്ടാമത് കവിതാസമാഹാരമാണ് വെയിൽ എഴുതിയ ചിത്രങ്ങൾ .കാലടി സംസ്‌കത സർവകലാശാല ജീവനക്കാരിയാണ് സിന്ധു. ഇടുക്കി ജില്ലാ വിദ്യാഭ്യാസ ഡെപ്യൂട്ടി ഡയറക്ടർ ആഫീസിലെ സീനിയർ സൂപ്രണ്ട് ഉല്ലാസാണ് ഭർത്താവ്.