പെരുമ്പാവൂർ: പതിവുതെറ്റിക്കാതെ മൂവാറ്റുപുഴ സെന്റ് അഗസ്റ്റിൻസ് ജി.എച്ച്.എസ്.എസിന്റെ പെൺപട കലോത്സവ വേദിയിലെ മാർഗംകളി തങ്ങളുടേതാക്കി. ഹയർസെക്കൻഡറി, ഹൈസ്കൂൾ വിഭാഗങ്ങളിലെ മാർഗംകളി മത്സരത്തിലാണ് സ്കൂൾ ഒന്നാംസ്ഥാനം നേടിയത്. ഇത്തവണത്തെ വിജയം കുട്ടികൾ സമർപ്പിക്കുന്നത് ഈ വർഷം വിരമിക്കുന്ന പ്രിൻസിപ്പൽ സിസ്റ്റർ റാണിയ്ക്കും അദ്ധ്യാപകരായ സിസ്റ്റർ ആൽഫിൻ, സിസ്റ്റർ ഡെന്നി, റോസിലി എന്നിവർക്കുമാണ്.

പത്താംവർഷമാണ് സ്കൂളിലെ ഹയർസെക്കൻഡറി ടീം ഒന്നാം സ്ഥാനം നേടുന്നത്. ഹൈസ്കൂൾ 11ാം തവണയും.നേടി​ ജെയിംസ്ഹയർസെക്കൻഡറി ടീമിനെ പരിശീലിപ്പിച്ചു. പാർവതി സന്തോഷ്, ഐറിൻ ജേക്കബ്, അലീന പീറ്റർ, എയ്ഞ്ചൽ, ഗ്രേസ് മരിയ, പൂജിത മറിയം, അൽക്ക ജോൺസൺ എന്നിവരാണ് മാർഗംകളിയിൽ ചുവടുവെച്ചത്. മത്സരിച്ച പത്തു ടീമുകളിൽ ഒമ്പത് ടീമും എ ഗ്രേഡ് നേടി.

കെ.എ അർച്ചന, നന്ദന ബിജു, അനീഷ എ.എസ്, അന്ന സഖറിയ, ദേവപ്രിയ ഉദയകുമാർ, ആൻറോസ് കെ.ലാലു, അപർണ മോഹൻ എന്നിവരാണ് ഹൈസ്‌കൂളിനായി വിജയം കൊയ്തത്. എൻ.മോഹനനായിരുന്നു പരിശീലകൻ.