പറവൂർ : കുഞ്ഞിത്തൈ ഈഴവ സമുദായ ആതുര സേവാ സംഘം ആസ്ഥാനത്ത് നിർമ്മിക്കുന്ന ഗുരുദേവ മണ്ഡപ നിർമ്മാണത്തിന്റെ ശിലാസ്ഥാപനം ഇന്ന് രാവിലെ പതിനൊന്നിന് ആലുവ അദ്വൈതാശ്രമം മഠാധിപതി സ്വാമി ശിവസ്വരൂപാനന്ദ നിർവ്വഹിക്കും. തുടർന്ന് നടക്കുന്ന പൊതുസമ്മേളനത്തിൽ സംഘം പ്രസിഡന്റ് പി.ജെ. പ്രകാശൻ അദ്ധ്യക്ഷനായിരിക്കും. സ്വാമി ശിവസ്വരൂപാനന്ദ അനുഗ്രഹ പ്രഭാഷണം നടത്തും. എസ്.എൻ.ഡി.പി യോഗം ഡയറക്ടർ ബോർഡ് അംഗങ്ങളായ പി.എസ്. ജയരാജ് മുഖ്യപ്രഭാഷണവും എം.പി. ബിനു ഗുരുദേവ സന്ദേശവും നൽകും. സുനിൽ ശാന്തി ചെറായി, ഫാ. ടോമി സാമ്പ്രിക്കൽ, അൽ ഹാഫീസ് അഹമ്മദ് ഹുസൈൻ റഷാദി എന്നിവർ പ്രഭാഷണം നടത്തും. സംഘം സെക്രട്ടറി എൻ.ജി. രാജീവ്, സി.ബി. ബിജി, അനിൽ ഏലിയാസ്, സി.കെ. രമേഷ്, വി.ആർ. സുനിൽകുമാർ, എ.ഡി. രവീന്ദ്രൻ, എ.എസ്. രാഗേഷ്, പി.പി. പ്രവീൺ തുടങ്ങിയവർ സംസാരിക്കും.