മൂവാറ്റുപുഴ: വിദ്യാഭ്യാസ വകുപ്പ് തുടക്കം കുറിച്ച വിദ്യാലയം പ്രതിഭകളിലേയ്ക്ക് പരിപാടിയുടെ ഭാഗമായി ഈസ്റ്റ് മാറാടി സ്കൂൾ വിദ്യാർത്ഥികൾ പ്രസിദ്ധ ചെണ്ടകൊട്ട് കലാകാരൻ ടി.ആർ ഹരിയെ വീട്ടിലെത്തിആദരി​ച്ചു. ചെണ്ട, ഇടയ്ക്ക തുടങ്ങിയ ഉപകരണങ്ങൾ ഉപയോഗിക്കേണ്ട രീതിയെകുറിച്ച് ഹരി വിവരിച്ചു . ഈസ്റ്റ് മാറാടിയി​ലെ യു.പി, ഹൈസ്കൂൾ, ഹയർ സെക്കൻഡറി, വൊക്കേഷണൽ ഹയർ സെക്കൻഡറി സ്ക്കൂൾ വിഭാഗങ്ങളിലെ വിദ്യാർത്ഥികൾ അദ്ധ്യാപകരുടെ നേതൃത്വത്തിലാണ് എത്തി​യത്.പി.ടി.എ പ്രസിഡന്റ് പി.ടി. അനിൽകുമാർ, പ്രിൻസിപ്പൽ റോണിമാത്യു, ഹെഡ്മാസ്റ്റർ കെ.സജികുമാർ, റനിത ഗോവിന്ദ്, സീനിയർ അസിസ്റ്റൻറ് ശോഭന എം.എം, മദർ പി.ടി.എ പ്രസിഡന്റ് സിനിജ സനൽ , സമീർസിദ്ദീഖി, ഹണിവർഗീസ്, മിൻസി, ഷീബ, ലിൻസി, പുഷ്‌പ ഹരി, മക്കൾ ഹരിത, സൂര്യനാരായണൻ തുടങ്ങിയവർ പങ്കെടുത്തു.