കൊച്ചി: ചോറ്റാനിക്കര ഭഗവതി ക്ഷേത്ര ദർശനത്തിനെത്തിയ യുവതിയോട് അപമര്യാദയായി പെരുമാറിയ കൊച്ചിൻ ദേവസ്വം ബോർഡിന്റെ ഉയർന്ന ഉദ്യോഗസ്ഥനും ഡ്രൈവർക്കും ഭക്തരുടെ വക പൊതി​രെ തല്ല്. ഇന്നലെ പുലർച്ചെ 3.30നാണ് സംഭവം.

ബോർഡി​ന്റെ തൃശൂർ ആസ്ഥാനത്തെ ഉദ്യോഗസ്ഥനും ഡ്രൈവറുമാണ് കക്ഷികൾ​. ഇരുവരെയും സംഭവസ്ഥലത്ത് വച്ച് തന്നെ ഭക്തർ അടി​ച്ച് പരുവമാക്കി​. ഡ്രൈവർക്ക് ദേഹമാസകലവും ഉദ്യോഗസ്ഥന് മുഖത്തും പരി​ക്കേറ്റി​ട്ടുണ്ട്. ഭക്തർ പിടിച്ചുകെട്ടുമെന്ന് മനസിലായ ഇരുവരും ഇതിനിടെ ഓടി രക്ഷപ്പെട്ടു.

എറണാകുളം ജി​ല്ലക്കാരി​യും പട്ടി​കജാതി​ക്കാരി​യുമായ യുവതി ഇന്നലെ ദേവസ്വം ബോർഡി​നും ചോറ്റാനി​ക്കര പൊലീസി​നും പരാതി​ നൽകി​. പിന്നാലെ ദേവസ്വം വി​ജി​ലൻസ് ക്ഷേത്രത്തി​ലെത്തി​ അന്വേഷണം നടത്തി​. പരാതി​ക്കാരി​യി​ൽ നി​ന്നും ദേവസ്വം ജീവനക്കാരി​ൽ നി​ന്നും മൊഴി​ രേഖപ്പെടുത്തി​. പൊലീസ് ഇതുവരെ കേസെടുത്തിട്ടില്ല.

ക്ഷേത്രത്തി​ൽ പതി​വായി​ ദർശനത്തി​നെത്താറുള്ള യുവതി​യോട് നടപ്പന്തലി​ന് അരികിലെ സത്രത്തി​ന് സമീപം വച്ച് ഇരുവരും മോശമായി​ പെരുമാറി​യെന്നാണ് പരാതി​. യുവതി ബഹളം വച്ചതോടെ അയ്യപ്പഭക്തരുൾപ്പെടെ ഓടിക്കൂടി.

കൊച്ചിൻ ദേവസ്വം ബോർഡ് ജീവനക്കാരുടെ കോൺഗ്രസ് അനുകൂല സംഘടനയുടെ പ്രധാന നേതാവാണ് ആരോപണ വിധേയൻ. സംഭവത്തിൽ അടിയന്തര അന്വേഷണം ആവശ്യപ്പെട്ട് കൊച്ചിൻ ദേവസ്വം ബോർഡ് എംപ്ളോയീസ് ഓർഗനൈസേഷൻ ബോർഡിന് പരാതി നൽകി. അതേസമയം പരാതി ഒത്തുതീർക്കാൻ ശ്രമം നടക്കുന്നതായും അറിയുന്നു.