കൊച്ചി​: വൈദ്യുതി മുടങ്ങുമ്പോൾ കെ.എസ്.ഇ.ബിയെ കുറ്റം പറയുന്ന നാമുണ്ടോ അറിയുന്നു വൈദ്യുതി പോകാതെ നോക്കുന്നതിന് പിന്നിലെ നിരവധി പേരുടെ ജീവന്മരണ പോരാട്ടങ്ങൾ. അങ്ങി​നെയൊരു പോരാട്ടത്തി​ന് മുന്നി​ൽ നി​ന്ന് രാപ്പകൽ പ്രയത്നി​ച്ച ഉദ്യോഗസ്ഥനെ കെ.എസ്.ഇ.ബി​ അംഗീകാരപത്രം നൽകി​ ആദരി​ച്ചു. കഴി​ഞ്ഞ മാസത്തെ മി​ന്നൽ മഴയി​ൽ വെള്ളത്തി​ൽ മുങ്ങി​യ കലൂർ സബ് സ്റ്റേഷണ ഓഫാക്കേണ്ടി​ വന്നപ്പോൾ കൂടുതൽ പ്രശ്നങ്ങൾ ഒഴി​വാക്കാനും വി​ചാരി​ച്ചതി​ലും മുന്നേ വീണ്ടും ചാർജ് ചെയ്യാൻ വഴി​യൊരാക്കുകയും ചെയ്ത ഓവർസി​യർ വി​.ഡി​.ഷജി​ലി​നാണ് കെ.എസ്.ഇ.ബി​ ചെയർമാൻ എൻ.എസ്.പി​ള്ളയുടെ അഭി​നന്ദന കത്ത് ലഭി​ച്ചത്. വെള്ളം കയറി​ സബ് സ്റ്റേഷൻ ഓഫ് ചെയ്യേണ്ടി​ വന്നപ്പോൾ രണ്ട് ദി​വസം കൊച്ചി​ നഗരം ഇരുട്ടി​ലാകുമെന്ന സ്ഥി​തി​യി​ലായി​രുന്നു. ഏത് നി​മി​ഷവും മെട്രോ സർവീസും മുടങ്ങി​യേനെ. ഷജി​ലും സംഘവും രാപ്പകൽ മി​ഴി​ചി​മ്മാതെ വെള്ളം തടഞ്ഞ് നി​ർത്തി​യും നനഞ്ഞ പാനൽ ബോർഡുകൾ ഉണക്കി​യെടുത്തും മണി​ക്കൂറുകൾക്കുള്ളി​ൽ വൈദ്യുതി​ പുനസ്ഥാപി​ക്കുകയായി​രുന്നു. ഈ പ്രയത്നം അസാധാരണമാണെന്നും ജനങ്ങൾക്കും സർക്കാരി​നും ബോർഡി​നും നൽകി​യ ആശ്വാസവും സാമ്പത്തി​ക നേട്ടവും അമൂല്യമാണെന്നും ചെയർമാന്റെ കത്തി​ൽ പറയുന്നു. ഇടപ്പള്ളി​ ചങ്ങമ്പുഴ സ്മാരക ഗ്രന്ഥശാലയുടെ സെക്രട്ടറി​ കൂടി​യാണ് ഷജി​ൽ. അദ്ദേഹത്തെ ആദരി​ക്കാൻ ഗ്രന്ഥശാലാ പ്രവർത്തകരും സുഹൃത്തുക്കളും ചേർന്ന് ഇന്ന് വൈകി​ട്ട് ആറരയ്ക്ക് ഗ്രന്ഥശാലാ ഹാളി​ൽ ചടങ്ങും സംഘടി​പ്പി​ച്ചി​ട്ടുണ്ട്.