കോലഞ്ചേരി: രണ്ടാംവർഷ തുല്യതാ പഠിതാക്കളുടെ 28നും 29നും നടത്താൻ നിശ്ചയിച്ചിട്ടുള്ള ഗാന്ധിയൻ സ്​റ്റഡീസ് പ്രാക്ടിക്കൽ കോലഞ്ചേരി സെന്റ് പീ​റ്റേഴ്‌സ് സ്‌കൂളിൽ ന‌ടക്കും.എറണാകുളം, തൃശ്ശൂർ, മലപ്പുറം, ഇടുക്കി ജില്ലയിലുള്ളവരാണ് കോലഞ്ചേരി സെന്റ് പീ​റ്റേഴ്‌സ് ഹയർ സെക്കന്ററി സ്‌കൂളിലെത്തേണ്ടത്.സാങ്കേതിക കാരണങ്ങളാൽ ഹാൾടിക്ക​റ്റ് ലഭിക്കാത്തവർ ഒന്നാം വർഷ തുല്യതാ പരീക്ഷ എഴുതിയ ഹാൾ ടിക്ക​റ്റും സാക്ഷരതാമിഷൻ നൽകുന്ന ഐ.ഡി കാർഡും ഹാജരാക്കി പരീക്ഷാഹാളിൽ പ്രവേശിക്കാം. ഒന്നാംവർഷ പരീക്ഷയുടെ ഹാൾടിക്ക​റ്റ് കൈവശം ഇല്ലാത്ത പരീക്ഷാർത്ഥികൾ സാക്ഷരതാമിഷൻ നൽകുന്ന ഐ.ഡി കാർഡിനോടൊപ്പം ആധാർ കാർഡ്, ഡ്രൈവിംഗ് ലൈസൻസ്, പാസ്‌പോർട്ട്, വോട്ടേഴ്‌സ് ഐ.ഡി ഇവയിലേതെങ്കിലും ഒന്ന് കൈവശം കരുതണം. പരീക്ഷാർത്ഥികൾ സർട്ടിഫൈഡ് റിക്കാർഡ് ബുക്കും പ്രായോഗിക പരീക്ഷയ്ക്കാവശ്യമായ എല്ലാവിധ സാമഗ്രികളും കൊണ്ടുവരണം.