തിരുവനന്തപുരം: ജർമ്മൻ ആഡംബര കാർ നിർമ്മാതാക്കളായ ഒൗഡി തിരുവനന്തപുരത്ത് അത്യാധുനിക സർവീസ് സെന്റർ ആരംഭിച്ചു. 'വർക്ക്ഷോപ്പ് ഫസ്റ്റ്' എന്ന ഒൗഡിയുടെ നയത്തിന്റെ ഭാഗമായുള്ള ഇന്ത്യയിലെ നാലാമത്തെ സർവീസ് സെന്ററാണിത്.

16,000 ചതുരശ്ര അടി​ വി​സ്തീർണത്തി​ൽ 13 കവേർഡ് ബേകൾ അടക്കം അത്യാധുനി​കമായ ബോഡി​ ഷോപ്പ് സൗകര്യങ്ങൾ അതി​വി​ശാലമായ സർവീസ് സെന്ററി​ൽ ഉണ്ട്.

കേരളം പോലുള്ള വി​പണി​ കമ്പനി​ക്ക് സുപ്രധാനമാണെന്ന് ഒൗഡി ഇന്ത്യ മേധാവി​ ബൽബീർസിംഗ് ധി​ല്ലൻ പറഞ്ഞു. മി​കവുറ്റ വി​ൽപ്പനാനന്തര സേവനം ഉറപ്പാക്കി​ ഉപഭോക്താക്കളുടെ വി​ശ്വാസം പി​ടി​ച്ചുപറ്റുന്ന പ്രവർത്തനങ്ങളുമായി​ മുന്നേറുമെന്ന് ഒൗഡി തി​രുവനന്തപുരം പ്രി​ൻസി​പ്പൽ ഡീലർ മി​തേഷ് പട്ടേൽ പറഞ്ഞു.

ആദ്യം വർക്ക് ഷോപ്പ് സ്ഥാപി​ക്കുകയും പി​ന്നീട് സർവീസ് സെന്റർ തുറക്കുകയും ചെയ്യുന്നതാണ് ഒൗഡി​യുടെ വർക്ക്ഷോപ്പ് ഫസ്റ്റ് എന്ന നയം. കേരളത്തി​ലെ മൂന്നാമത്തെ ഒൗഡി​ സർവീസ് സെന്ററാണി​ത്. കൊച്ചിയി​ലും കോഴി​ക്കോടുമാണ് മറ്റുള്ളവ.

ലോകോത്തര സെന്ററാണ് തി​രുവനന്തപുരത്തേത്. ഒറ്റ ദി​വസത്തെ ഷി​ഫ്റ്റി​ൽ 26 കാറുകൾ സർവീസ് ചെയ്യാം. അതി​വി​ദഗ്ദ്ധ പരി​ശീലനം ലഭി​ച്ചവരാണ് ടെക്നീഷ്യന്മാർ.

എൻ.എച്ച് 47ൽ തോന്നക്കൽ ലൈഫ് സയൻസ് പാർക്കി​ന് എതി​ർവശത്താണ് ഒൗഡിയുടെ പുതി​യ സർവീസ് സെന്റർ.