നെടുമ്പാശേരി: കൊച്ചി രാജ്യാന്തര വിമാനത്താവളത്തിലെ സി.ഐ.എസ്.എഫ് കമാൻഡറുടെ വാഹനത്തിൽ ബീക്കൻ ലൈറ്റ് സ്ഥാപിച്ചതുമായി ബന്ധപ്പെട്ട വി​വാദം പൊലീസും സി.ഐ.എസ്.എഫും തമ്മി​ലുള്ളവാക്കേറ്റത്തി​ലും കേസി​ലും കലാശി​ച്ചു. ബീക്കൻ ലൈറ്റ് സ്ഥാപിച്ചതിനെ കുറിച്ച് പൊലീസ് മേലുദ്യോഗസ്ഥർക്ക് റിപ്പോർട്ട് നൽകിയിരുന്നു. ഇതോടെ പൊലീസുകാർ വിമാനത്താവളത്തിന് അകത്തേക്ക് പ്രവേശിക്കുന്നത് സി.ഐ.എസ്.എഫ് തടഞ്ഞു. ശനിയാഴ്ച നെടുമ്പാശേരി പൊലീസ് സ്റ്റേഷനിലെ ഉദ്യോഗസ്ഥനും എയർപോർട്ട് എയ്ഡ് പോസ്റ്റ് ചുമതലക്കാരനുമായ ശ്രീജിത്ത് മേലുദ്യോഗസ്ഥനെ യാത്രയാക്കുന്നതി​ന് ആഭ്യന്തര ടെർമിനലിലെ ഏപ്രണിലേക്ക് കടക്കുമ്പോൾ സി.ഐ.എസ്.എഫ് ഉദ്യോഗസ്ഥർ തടഞ്ഞു. അകത്തു കടക്കാനുള്ള പാസ് ഉണ്ടായിരുന്നിട്ടും കടത്തിവിട്ടില്ല. ഇരുകൂട്ടരും തമ്മിൽ വാക്കേറ്റം നടന്നു.ഇയാൾ നൽകിയ പരാതിയെ തുടർന്ന് രണ്ട് സി.ഐ.എസ്.എഫ് ഉദ്യോഗസ്ഥർക്കെതിരെ കേസ് രജിസ്റ്റർ ചെയ്തിട്ടുണ്ടെന്ന് നെടുമ്പാശേരി സി.ഐ പറഞ്ഞു.