മൂവാറ്റുപുഴ : കെഎസ്ആർടി​ സിയിലെ പ്രശ്നങ്ങൾ പരിഹരിയ്ക്കുവാൻ സർക്കാർ ഇടപെടുക, ശമ്പളം കൃത്യമായി വിതരണം ചെയ്യുക, ക്ഷാമബത്ത കുടിശിക അനുവദിക്കുക തുടങ്ങിയ 13 ആവശ്യങ്ങൾ ഉന്നയിച്ച് കെ എസ് ആർ ടി​ എംപ്ലോയീസ് അസോസിയേഷൻ സിഐടി​യു ഡിസംബർ 2 മുതൽ സെക്രട്ടേറിയറ്റിന് മുന്നിൽ നടത്തുന്ന അനിശ്ചിതകാല രാപ്പകൽ സത്യാഗ്രഹത്തിന്റെ ഭാഗമായി ജില്ലാതല സമര പ്രചാരണ കാൽനട ജാഥ തുടങ്ങി. മൂവാറ്റുപുഴ കെഎസ്ആർടി​സി ബസ് സ്റ്റേഷനിൽ സിഐടി​യു ജില്ലാ വൈസ് പ്രസിഡന്റ് പി എസ് മോഹനൻ ജാഥ ഉദ്ഘാടനം ചെയ്തു.ജില്ലാ സെക്രട്ടറി കെ എ നജിമുദ്ദീൻ അദ്ധ്യക്ഷത വഹിച്ചു. സി ഐ ടി​.യു ഏരിയാ സെക്രട്ടറി സി കെ സോമൻ സംസാരിച്ചു. അസോസിയേഷൻ സംസ്ഥാന എക്സിക്യൂട്ടീവ് കമ്മിറ്റി അംഗം സജിത് ടി​.എസ് കുമാർ ക്യാപ്റ്റനായ ജാഥ കച്ചേരിത്താഴം, അമ്പലംപടി,വാളകം, പെരുവംമൂഴി, എന്നിവിടങ്ങളിൽ പര്യടനം നടത്തി വൈകിട്ട് കോലഞ്ചേരിയിൽ സമാപിച്ചു. 30 ന് വൈകിട്ട് എറണാകുളം ബോട്ട് ജെട്ടിയിലാണ് സമാപനം.