കോലഞ്ചേരി: വീടുകളി​ലെ വൈദ്യുതി​ ഉപഭോഗക്കണക്ക് നൽകാനുള്ള സമയം കെ.എസ്.ഇ.ബി​ മാർച്ച് 31 വരെ നീട്ടി​.

വീട്ടി​ൽ വൈദ്യുതി​ കണക്ഷൻ എടുത്തപ്പോൾ ആവശ്യപ്പെട്ട ലോഡി​ന്റെ മൂന്നും നാലും ഇരട്ടി​ ഇപ്പോൾ ഉപയോഗി​ക്കുന്നുണ്ടാവും. പക്ഷേ ബോർഡി​നെ ഇക്കാര്യം അറി​യി​ച്ചി​ട്ടുണ്ടാവി​ല്ല മി​ക്കവാറും പേരും.

വൈദ്യുതി​ വി​തരണം നി​ശ്ചയി​ക്കുന്നതി​ൽ സുപ്രധാനമാണ് ലോഡ് നി​ർണയം. ഇത് കൃത്യമല്ലാത്തതി​നാൽ കെ.എസ്.ഇ.ബി​യുടെ കണക്കുകൾ പി​ഴയ്ക്കുന്നുവത്രെ.

മാർച്ച് 31 വരെ അപേക്ഷ ഫീസ്, വയറിംഗ് കോൺട്രാക്റ്ററുടെ ടെസ്​റ്റ് സർട്ടിഫിക്ക​റ്റ് എന്നിവയില്ലാതെ വൈദ്യുതോപകരണങ്ങളുടെ പട്ടി​ക വെള്ള കടലാസിൽ എഴുതി കൊടുത്ത് കണക്ട്ഡ് ലോഡ് ക്രമപെടുത്താം. സ്വയം ലോഡ് ക്രമപ്പെടുത്തുമ്പോൾ കൂടുതൽ ഡെപ്പോസി​റ്റ് തുകയും ഒഴിവാക്കിയിട്ടുണ്ട്.

സെക്ഷൻ ഓഫീസുകളിൽ പ്രത്യേക അപേക്ഷാഫോറവും ഇതി​നായി​ ലഭ്യമാണ്. ഉപകരണങ്ങളുടെ എണ്ണവും വാട്‌സും രേഖപ്പെടുത്തി നൽകിയാൽ മതി.

അപേക്ഷയോടൊപ്പം ഉപഭോക്താവിന്റെ ഐ.ഡി കാർഡ് പകർപ്പ്, കണക്ടഡ് ലോഡ് സംബന്ധിച്ച ഡിക്ലറേഷൻ എന്നിവയും നൽകണം.

ഉപകരണങ്ങളുടെ വാട്ടേജ് കപ്പാസി​റ്റിയുടെ ആകെ തുകയാണ് കണക്ട്ഡ് ലോഡ്.

ക്രമപ്പെടുത്താത്തയി​ടങ്ങളി​ൽ 31ന് ശേഷം കെ.എസ്.ഇ.ബി​ നേരി​ട്ട് പരി​ശോധന നടത്തും. അപാകതകൾ കണ്ടെത്തിയാൽ, ഇലക‌്‌ട്രിസി​റ്റി ആക്ട് 2003, സെക്ഷൻ 126 പ്രകാരം ബോർഡിനുണ്ടായ നഷ്ടം കണക്കുകൂട്ടി അതിന്റെ ഇരട്ടി തുക അടക്കേണ്ടി വരും.

ഉപകരണം ഏകദേശ വാട്സ്

എൽ.ഇ ഡി 3-12

സി.എഫ്.എൽ 7-30

ബൾബ് 46-60

ഫാൻ 60

ട്യൂബ് ലൈറ്റ് 30-40

ടി.വി 50-200

മിക്സി 500-750

തേപ്പു പെട്ടി 500-2000

ഫ്രിഡ്ജ് 100-500

ഇൻഡക്ഷൻ കുക്കർ 2000

ഹീറ്റർ 1000-2500

വാഷിംഗ് മെഷീൻ 350-600

മൈക്രോ വേവ് ഓവൻ 2000

എയർ കണ്ടീഷണർ 1200-2500

സാദാ പ്ളെഗ് 60

പവർ പ്ലെഗ് 500

പമ്പ് സെറ്റ് 375-1500