അങ്കമാലി: അങ്കമാലി നിയോജക മണ്ഡലത്തിലെ വിവിധ പൊതുമരാമത്ത് റോഡുകളുടെ അടിയന്തര അറ്റകുറ്റപ്പണികൾക്കും വിവിധ കൽവർട്ടുകളുടെ പുനരുദ്ധാരണത്തിനുമായി 3.90 കോടി രൂപ അനുവദിച്ചതായി റോജി എം. ജോൺ എം.എൽ.എ അറിയിച്ചു. മൂക്കന്നൂർ - ഏഴാറ്റുമുഖം റോഡ് 50 ലക്ഷം, കറുകുറ്റി - മൂക്കന്നൂർ റോഡ് 25 ലക്ഷം, മഞ്ഞപ്ര - അയ്യമ്പുഴ റോഡ് 25 ലക്ഷം, മരോട്ടിച്ചോട്‌ - വട്ടപ്പറമ്പ് റോഡ് 15 ലക്ഷം, മുരിങ്ങൂർ - ഏഴാറ്റുമുഖം റോഡ് 25 ലക്ഷം, മഞ്ഞപ്രവടക്കുംഭാഗം - എടക്കുന്ന് റോഡ് 20 ലക്ഷം, പുളിയനംമാമ്പ്ര - കറുകുറ്റി റോഡ്20 ലക്ഷം, മഞ്ഞപ്ര - ചുള്ളി റോഡ്25 ലക്ഷം, അങ്കമാലി - കോടുശേരി റോഡ് 20 ലക്ഷം, കറുകുറ്റിമൂഴിക്കുളം - പീച്ചാനിക്കാട് റോഡ്15 ലക്ഷം, കറുകുറ്റി - ആഴകം റോഡ് 20 ലക്ഷം, മനക്കപ്പടി - പുളിയനം റോഡ് അറ്റകുറ്റപണി 5 ലക്ഷം, മഞ്ഞപ്ര - ചുള്ളി റോഡിൽ ചുള്ളി പളളിക്ക് സമീപമുള്ള കൽവൽട്ട് പുനരുദ്ധാരണം 25 ലക്ഷം, കാലടി - മലയാറ്റൂർ റോഡിലെ വാട്ടർ ടാങ്കിന് സമീപമുള്ള കൽവർട്ടിന്റെ വീതി കൂട്ടുന്നതിനും കാനയുടെ നവീകരണത്തിനും 30 ലക്ഷം, കറുകുറ്റി - പാലിശേരി റോഡിലെ പന്തക്കൽ ഭാഗത്തെ കൽവർട്ടിന്റെ പുനരുദ്ധാരണം10 ലക്ഷം, കറുകുറ്റി - മൂഴിക്കുളം പീച്ചാനിക്കാട് റോഡിലെ കൽവർട്ട് പുനരുദ്ധാരണം10 ലക്ഷം, വേങ്ങൂർ - കിടങ്ങൂർ റോഡിലെ എൽ.പി സ്‌കൂൾ ജംഗ്ഷൻ കൽവർട്ട് പുനരുദ്ധാരണം 12.50 ലക്ഷം, ഇടലക്കാട് ഭാഗത്ത് മഞ്ഞപ്ര - ചുള്ളി റോഡിന്റെ സൈഡ് ഭിത്തി നിർമ്മാണം 25 ലക്ഷം, ക്യാമ്പ് ഷെഡ് റോഡ് 5 ലക്ഷം എന്നിങ്ങനെയാണ് തുക അനുവദിച്ചിരിക്കുന്നത്.