കളമശേരി: മിൽമയുടെ വളർച്ചയിൽ നിർണായക സാന്നിധ്യമായി 35 വർഷം നി​ലകൊണ്ട ഡോ: എം മുരളീധരദാസ് ഇന്ന് വി​രമി​ക്കുന്നു. 1985 ജനുവരിയിൽ മിൽമയുടെ വെറ്ററിനറി ഓഫീസറായി ഔദ്യോഗിക ജീവിതം ആരംഭിച്ച മുരളീധരൻ മാനേജിംഗ് ഡയറക്ടർ പദവി​യി​ൽ നി​ന്നാണ് പടി​യി​റങ്ങുന്നത്.

1996ലെ ഗുജറാത്തിലെ ആനന്ദിലെ പ്രശസ്ത സ്ഥാപനമായ ഐ.ആർ.എം.എയിൽ നിന്ന് മാനേജ്മെൻറിൽ പോസ്റ്റ് ഗ്രാജ്വേറ്റ് ഡിപ്ലോമ നേടിയ ശേഷം ദീർഘകാലം മിൽമയിൽ മാർക്കറ്റിംഗ് വിഭാഗത്തിൽ പ്രവർത്തിച്ചു. മിൽമ എറണാകുളം യൂണിറ്റിന്റെ പി.ഐ വിഭാഗം മേധാവി, മാർക്കറ്റിംഗ് വിഭാഗം മേധാവി എന്നീ പദവി​കൾ വഹി​ച്ച ശേഷം 2017 ജൂണി​ലാണ് മാനേജിംഗ് ഡയറക്ടറായത്.

വൈക്കം ആശ്രമം വി.എച്ച് എസ്.സി. സ്കൂളിലെ അദ്ധ്യാപിക ടി​.ഹേനയാണ് ഏറ്റുമാനൂർ സ്വദേശി​യായ മുരളീധരദാസിന്റെ ഭാര്യ. മക്കൾ: നിതിൻ എം.ദാസ് (സോഫ്റ്റ്‌വെയർ എൻജി​നിയർ ബംഗളുരു), ജിതിൻ എം.ദാസ് (സോഫ്റ്റ്‌വെയർ എൻജി​നിയർ തിരുവനന്തപുരം ടെക്നോപാർക്ക് ). മരുമകൾ: ഗോപിക ബാബു (സോഫ്റ്റ്‌വെയർ എൻജി​നിയർ ബംഗളുരു).