നെടുമ്പാശേരി: പാറക്കടവ് ഗ്രാമപഞ്ചായത്ത് 2020 -21 വർഷത്തിലേക്കുള്ള പദ്ധതികളെ കുറിച്ച് തിരുമാനിക്കാൻ ചേർന്ന വികസന സമിതി യോഗത്തിൽ ഭരണകക്ഷിയുടെ മെമ്പറും സമിതിയിലെ അംഗവും തമ്മിൽ പോർവിളി. വികസന സമിതിയുടെ വാടസ് ആപ്പ് ഗ്രൂപ്പിൽ ഗ്രാമപഞ്ചായത്ത് യോഗം വെറും വഴിപാടിനാണ് എന്ന് പോസ്റ്റിട്ടത് ചോദ്യം ചെയ്തതാണ് ബഹളത്തിൽ കലാശിച്ചത്.
കഴി​ഞ്ഞവികസന സമിതിയിൽ തിരുമാനിച്ച പദ്ധതികൾ പൂർണമായും നടപ്പായിട്ടില്ല. ഇതിനെതിരെ പ്രതികരിച്ച ശേഷംബി.ജെ.പി പ്രതിനിധികൾ യോഗം ബഹിഷ്‌കരിച്ചു . പഞ്ചായത്ത് ഭരണസമിതിയുടെ അഴിമതി മൂടിവെക്കുന്നതിനാണ് യോഗമെന്നും ജനങ്ങളെ കബളിപ്പിക്കുകയാണെന്നും ബി.ജെ.പി നേതാക്കളായ എം.ആർ. രവി, രാഹുൽ പാറക്കടവ്, രമേശൻ കുറുമ്മശ്ശേരി, കെ.എ. ദിനേശൻ എന്നിവർ ആരോപിച്ചു.