മൂന്നാർ: പ്രധാനമന്ത്രി ആവാസ് യോജന പദ്ധതി സംബന്ധിച്ചുള്ള ദക്ഷിണ മേഖലാ ശിൽപ്പശാല മൂന്നാർ ടീ കൗണ്ടിയിൽ നടത്തി. കേരളം, ആന്ധ്രാ പ്രദേശ്, തെലുങ്കാന, തമിഴ്‌നാട് എന്നീ സംസ്ഥാനങ്ങളിലെയും ആന്റമാൻ നിക്കോബർ, ലക്ഷദ്വീപ് കേന്ദ്രഭരണ പ്രദേശങ്ങളിലെയും ഉന്നത ഉദ്യോഗസ്ഥർ പങ്കെടുത്തു. കേന്ദ്ര ഗ്രാമവികസന മന്ത്രാലയം അഡീഷണൽ സെക്രട്ടറി പ്രശാന്ത് കുമാർ നേതൃത്വം നൽകി. ഡെപ്യൂട്ടി ഡയറക്ടർ ജനറൽ (ആർ.എച്ച്() ഗയാ പ്രസാദ്, ഗ്രാമവികസന കമ്മീഷണർ എൻ. പത്മകുമാർ എന്നിവർ ശിൽപ്പശാല നയിച്ചു. പി.എം.എ.വൈ ഭവന പദ്ധതിയുടെ വിവിധ സംസ്ഥാനങ്ങളിലെ നിർവ്വഹണ പരോഗതിയും രീതിയും ശിൽപ്പശാലയിൽ വിലയിരുത്തി. പി.എം.എ.വൈ (ജി) പദ്ധതിയിൽ കേരളം കൈവരിച്ച നേട്ടത്തെ കേന്ദ്രഗ്രാമവികസന മന്ത്രാലയം അഡീഷണൽ സെക്രട്ടറി പ്രശാന്ത് കുമാർ അഭിനന്ദിച്ചു. കേരളം നിർമ്മിച്ച വീടുകൾ ഗുണനിലവാരമുള്ളതാണെന്ന് അദ്ദേഹം അഭിപ്രായപ്പെട്ടു. പദ്ധതിയുടെ തുടർ നടത്തിപ്പ് സംബന്ധിച്ച് നയരൂപീകരണവും ശിൽപ്പശാലയുടെ ഭാഗമായി നടന്നു.
ഗുണമേൻയുള്ള ഭവന നിർമ്മാണത്തിന് വിവിധ സംസ്ഥാനങ്ങൾ സ്വീകരിച്ച അനുകരണീയമായ മാതൃകയും നൂതന രീതികളും വിശകലനം ചെയ്തു. ഗ്രാമവികസന കമ്മീഷണറേറ്റിലെ അഡീഷണൽ ഡെവലപ്‌മെന്റ് കമ്മീഷണർ വി.എസ്.സന്തോഷ്‌കുമാർ, ജോയിന്റ് ഡെവലപ്‌മെന്റ് കമ്മീഷണർ ഷാജി ക്ലമന്റ്, സ്റ്റേറ്റ് കോഓർഡിനേൾക്ത ആർ ഷൈനി, ഇടുക്കി ജില്ലാ ദാരിദ്യലഘൂകരണ വിഭാഗം പ്രോജക്ട് ഡയറക്ടർ പി. സരേന്ദ്രൻ, ദേവികുളം ബ്ലോക്ക് ഡവലപ്‌മെന്റ് ഓഫീസർ എം.എസ്. വിജയൻ എന്നിവരും യോഗത്തിൽ പങ്കെടുത്തു.