ഇടുക്കി : ഇടുക്കി എക്സൈസ് ഡിവിഷനിലെ വിവിധ അബ്കാരി കേസുകളിൽ ഉൾപ്പെട്ടതും സർക്കാരിലേക്ക് കണ്ടുകെട്ടിയതുമായ ഓട്ടോറിക്ഷ, സ്കൂട്ടർ, മോട്ടോർ സൈക്കിൾ എന്നിവ തൊടുപുഴ ഡെപ്യൂട്ടി എക്സൈസ് കമ്മീഷണർ എക്സൈസ് ഡിവിഷനാഫീസിൽ 28 ന് രാവിലെ 11 ന് ലേലം ചെയ്യും. ലേല നിബന്ധനകളും വ്യവസ്ഥകളും ഇടുക്കി എക്സൈസ് ഡിവിഷനാഫീസിൽ നിന്നും ജില്ലയിലെ എല്ലാ എക്സൈസ് ഓഫീസുകളിൽ നിന്നും അറിയാം. വാഹനങ്ങൾ ഉടുമ്പൻചോല, അടിമാലി, പീരമേട്, തൊടുപുഴ എന്നീ എക്സൈസ് റെയ്ഞ്ച് ഓഫീസുകളിലും മൂന്നാർ എക്സൈസ് സർക്കിൾ ഓഫീസിലും സൂക്ഷിച്ചിട്ടുണ്ട്.