ചെറുതോണി: പട്ടിക ജാതി പട്ടിക വർഗ വികസന കോർപ്പറേഷനിൽ നിന്നും വായ്പയെടുത്തകുടിശികയായി റവന്യൂ റിക്കവറി നടപടി നേരിടുന്ന ഗുണഭോക്താക്കൾക്ക് കുടിശിക തുക ഒറ്റത്തവണയായി അടച്ചു തീർക്കുമ്പോൾ നാലുശതമാനം ഇളവ് ലഭിക്കുന്നതു കൂടാതെ രണ്ടുശതമാനം പിഴപ്പലിശയിളവ് കോർപ്പറേഷനും നൽകുന്നു. ഇന്ന് മുതൽ മാർച്ച് 31 വരെ ഈ ആനുകൂല്യം ഗുണഭോക്താക്കൾക്ക് ലഭിക്കുന്നതിനായി ജില്ല, സബ് ജില്ലാ ഓഫീസുകളിൽ പ്രത്യേക സൗകര്യം ഏർപ്പെടുത്തിയിട്ടുണ്ട്. സർക്കാർ ഉത്തരവനുസരിച്ച് കോർപ്പറേഷൻ ഗുണഭോക്താക്കൾക്ക് നൽകുന്ന ഇളവുകൾ പ്രയോജനപ്പെടുത്തണമെന്ന് ചെയർമാൻ ബി. രാഘവൻ എക്സ് എം.എൽ.എയും മാനേജിംഗ് ഡയറക്ടർ ഡോ.എം.എ നാസറും അറിയിച്ചു.