കുമളി:അഞ്ചംഗ ഉപസമിതി അംഗങ്ങൾ തേക്കടിയിൽ നിന്ന് ബോട്ട് മാർഗം ഉച്ചയോടെ മുല്ലപ്പെരിയാർ അണക്കെട്ടിൽ എത്തി പരിശോധന നടത്തി. കഴിഞ്ഞ ഒക്ടോബർ 4 നാണ് മുല്ലപ്പെരിയാർ അണക്കെട്ടിൽ അഞ്ചംഗ ഉപസമിതി പരിശോധന നടത്തിയത്. പ്രധാന അണക്കെട്ട്, ബേബി ഡാം, ഗാലറി, എന്നിവടങ്ങളിൽ ഉപസമിതി പരിശോധന നടത്തി. അണക്കെട്ടിന്റെ മൂന്ന്, ഒമ്പത്, പത്ത് എന്നീ ഷട്ടറുകൾ ഉയർത്തി പരിശോധിച്ചു. മിനിറ്റിൽ 70 ലിറ്ററാണ് സീപ്പേജ് വെള്ളത്തിന്റെ അളവ്. അണക്കെട്ടിലെ ഇന്നത്തെ ജലനിരപ്പ് 128. 45 അടിയാണ്.
ഉപസമിതി ചെയർമാൻ ശരവണ കുമാറിനു പുറമെ കേരള പ്രതിനിധികളായ എൻ. എസ്. പ്രസീദ്, ജോസ് സ്‌കറിയ തമിഴ്‌നാട് പ്രതിനിധികളായ സാം ഇർവിൻ, സുബ്രഹ്മണ്യം എന്നിവർ പരിശോധനയിൽ പങ്കെടുത്തു.