ഇടുക്കി : ജില്ലയിലെ ആയുർവ്വേദ സ്ഥാപനങ്ങളിൽ ഒഴിവുള്ള തസ്തികകളിൽ പ്രതിദിന വേതന വ്യവസ്ഥയിൽ നിയമനം നടത്തുന്നു. മെഡിക്കൽ ഓഫീസർ (ആയുർവ്വേദം), മെഡിക്കൽ ഓഫീസർ (വിഷ ആയുർവ്വേദം), മെഡിക്കൽ ഓഫീസർ (സിദ്ധ) എന്നീ തസ്തികകളിൽ 28ന് രാവിലെ 10നും ഫാർമസിസ്റ്റ് തസ്തികയിൽ 29ന് രാവിലെ 10നും ഇടുക്കി കുയിലിമല സിവിൽ സ്റ്റേഷനിൽ പ്രവർത്തിക്കുന്ന ആയുർവ്വേദ ജില്ലാ മെഡിക്കൽ ഓഫീസിൽ വാക്ക് ഇൻ ഇന്റർവ്യൂ നടത്തും. നിശ്ചിത യോഗ്യതയുള്ളവർ വിദ്യാഭ്യാസ യോഗ്യത, പ്രായം, ജാതി/മതം എന്നിവ തെളിയിക്കുന്നതിനുള്ള അസ്സൽ രേഖകളും പകർപ്പും സഹിതം ഹാജരാകണം. വിവരങ്ങൾക്ക് ഫോൺ .04862 232318.